| e-texts navigator |
| Wylie |
489a1 ངོ་ཆེའི་སྒྲ་སྒྲོག་པ་དང་། དྲི་ཞིམ་པོའི་རླུང་ལྡང་བ་དང་། ས་རབ་ཏུ་གཡོ་བའོ།། དེ་ནས་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་ཅན།། བྱང་ཆུབ་སེམས
489a2 དཔའ་དང་རིག་པའི་ཚོགས་དུ་མས་ཡོངས་སུ་བསྐོར་བ། རིལ་བ་སྤྱི་བླུགས་དང་། དབྱུག་གུའི་ཤིང་དང་། གཡང་གཞི་ནག་པོ་ཐོགས་པ། རལ་པའི་ཅོད་པན་འཕྱང་བ་འབྱོན་པར་བྱེད་དོ།། འཕགས
489a3 བསྤྱན་རས་གཟིགས་དབང་ཕྱུག་གི་སྐུ་ལས་འོད་ཟེར་བྱུང་སྟེ། རྣམ་པར་འཕྲོ་བའི་འོད་ཟེར་དེ་རྣམས་ཀྱིས་སེམས་ཅན་དམྱལ་བ་དང་། དུད་འགྲོ་དང་། ཡི་དགས་ཐམས་ཅད་ཡུད་ཙམ་གྱི་ཚོར་བ་ལས
489a4 ཉམས་སོ། ། རང་ཉིད་ཐུགས་རྗེ་ཆེན་པོ་ཅན་སེམས་ཅན་ཐམས་ཅད་ལ་རྗེས་སུ་བརྩེ་བའི་འཕགས་པ་སྤྱན་རས་གཟིགས་དབང་ཕྱུག་མཐོང་བར་བྱེད་དོ།། སྒྲུབ་པ་པོ་པུས་མོ་གཉིས་བཙུགས་པས
489a5 ཤར་དུ་གཞག་པའི་རྣམ་རྒྱལ་གྱི་བུམ་པས་མཆོད་ཡོན་དབུལ་ལོ། ། དེ་ནས་འཕགས་པ་སྤྱན་རས་གཟིགས་དབང་ཕྱུག་གིས་གསུངས་པ། མཆོག་ཅི་འདོད་པ་དེ་སྦྱིན་པར་བྱེད་དོ།། གང་བླངས་པ་དེ
489a6 རྙེད་དོ། ། རིག་པ་འཛིན་པའི་འཁོར་ལོས་སྒྱུར་བ་ཉིད་དང་། རྒྱལ་སྲིད་ཆེན་པོ་དང་། ཚེ་རིང་པོ་ཉིད་དང་། ཐོས་པ་འཛིན་པ་ཉིད་དང་། ལུས་ལ་དབང་པོ་མ་ཚང་བ་མེད་པ་ཉིད་དང་། གསོ་དཀའ་བའི
489a7 ནད་འཇོམས་པའམ། གཏེར་འཕོ་བར་བྱེད་དོ།། ཕུག་ཏུ་འཇུག་པར་བྱེད་པ་དང་། རིག་པ་ཐམས་ཅད་ཀྱི་དངོས་གྲུབ་དང་། མི་སྣང་བ་ཉིད་དང་། ས་ཆེན་པོའི་དབང་ཕྱུག་གམ། གང་བླངས་པ་དེ
iiif viewer powered by OpenSeadragon
