| e-texts navigator |
| Wylie |
482b1 སངས་རྒྱས་དང་བྱང་ཆུབ་སེམས་དཔའ་ལ་སོགས་པ་ཐམས་ཅད་དང་། ཁྱད་པར་དུ་བཅོམ་ལྡན་འདས་མ་འཕགས་མ་སྒྲོལ་མ་སྤྱན་དྲང་བར་བྱས་ནས། དེ་ནས་ཨརྐའི་ཤིང་གིས་མེ་རབ་ཏུ་སྦར་ནས་ཡུངས་ཀར
482b2 དཀར་པོ་ལ་མར་གྱིས་བཏགས་པ་རལ་པ་གཅིག་མའི་སྙིང་པོས་རས་རིས་ཀྱི་སྤྱན་སྔར་ཁྲུ་བཞི་པའི་ཚད་ཀྱི་དཀྱིལ་འཁོར་དུ་སྟོང་ཕྲག་བརྒྱད་སྦྱིན་སྲེག་གྱིས་ཤིག། རས་རིས་འདྲི་བཞིན་པ་ན་བགེགས་མེད་པར་འགྱུར
482b3 རོ། ། དེ་ནས་ཚེས་གྲངས་དང་། བྱེད་པ་དང་། རྒྱུ་སྐར་དང་། ཡུད་ཙམ་དགེ་བ་ལ་སྣོད་གསར་པར་བཞག་པ་ཁ་དོག་མ་འདྲེས་པ། ཤིན་ཏུ་སོ་སོར་བཏགས་པའི་ཁ་དོག་ཅན་གྱི་ཆུས་སྦྱར་ནས་བ་ལང་གི་སྤུའི་པིར་གྱིས
482b4 བཅོམ་ལྡན་འདས་བྱང་ཆུབ་ཀྱི་ཤིང་ནི་སྣ་ཚོགས་པའི་གནས་རབ་ཏུ་བསྔགས་པ། བྱའི་ཚོགས་སྐད་འབྱིན་པ། དཔག་བསམ་གྱི་ཤིང་དང་མཚུངས་པ་བྱའོ།། དེ་བཞིན་གཤེགས་པ་འོད་དཔག་མེད་འདྲིར་གཞུག
482b5 པར་བྱའོ། ། ཆོས་སྟོན་པར་མཛད་བཞིན་པ། སྐྱིལ་མོ་ཀྲུང་གིས་ཉེ་བར་བཞུགས་པ། སྐྱེས་བུ་ཆེན་པོའི་མཚན་གྱིས་བརྒྱན་པའི་སྐུ། མཛེས་པར་སྣང་བཞིན་པའི་ལུས། གཙུག་ཏོར་ནས་འོད་ཟེར་ཆེན་པོ
482b6 གསེར་གྱི་ཁ་དོག་ཅན་འགྲོ་བ། པདྨ་དཀར་པོ་ལ་བཞུགས་པ་འདྲིར་གཞུག་པར་བྱའོ།། བཅོམ་ལྡན་འདས་ཀྱི་གཡོན་གྱི་གཞོགས་སུ་དཀར་པོ་རྒྱན་གྱིས་རྣམ་པར་བརྒྱན་པ། ཁ་དོག་ལྔ་པའི་གོས་ཀྱི་སྟོད
482b7 གཡོགས་བགོས་པ། ཕྱག་ན་རྔ་ཡབ་ཐོགས་པའོ།། གཞན་དུ་རྒྱུ་སྐར་མེ་བཞི་ལ་འཕགས་པ་དྲི་མ་མེད་པར་འགྲོ་བ་ཞེས་བྱ་བའི་བྱང་ཆུབ་སེམས་དཔའ་འདྲིར་གཞུག་པར་བྱ་སྟེ། བཅོམ་ལྡན་འདས་ཀྱི་གཡས་ཀྱི
iiif viewer powered by OpenSeadragon
