| e-texts navigator |
| Wylie |
482a1 ལ་བཟླས་ན་ཐར་རོ། ། ཀ་ར་ཝཱི་རའི་ལྕུག་མ་ལ་ལན་བདུན་བཟླས་པས་དཀྱིལ་འཁོར་དུ་ཉེ་བར་བྱུགས་ནས་སལ་མཚོན་ཆ་སྦྱིན་པར་བྱའོ།། གང་དུ་འདོད་པ་དེར་འཕོ་བར་བྱེད
482a2 དོ། ཁྱོར་བའི་ཚུ་ལ་བསྔགས་ནས་སྟེང་དུ་གཏོར་བར་བྱ་སྟེ། རུས་མ་ཡིན་པའི་ཆར་རེངས་པར་བྱེད་དོ།། ཐལ་བ་ལ་བརྒྱད་བརྒྱར་བཟླས་ན་ཐལ་བ་དེས་ར་བར་འགྱུར་རོ།། ལྕགས་ཀྱི་ཕྱེ་མས་རྡོ་རྗེའི་ར་བར
482a3 འགྱུར་རོ། ། སྒྲོན་མ་གསུམ་གྱིས་མེའི་ར་བར་འགྱུར་རོ།། བིལ་བའི་འདབ་མས་བིལ་བའི་ར་བར་འགྱུར་རོ།། བརྒྱད་བརྒྱར་བཟླས་པའི་ཆུས་ཆུའི་ར་བར་འགྱུར་རོ།། མདོར་བསྡུས་ན་བཅོམ་ལྡན་འདས
482a4 གཙུག་ཏོར་གྱི་རྒྱལ་པོ་རྟོག་པ་གཞན་གྱི་ཆོ་གས་ཇི་ལྟ་ཇི་ལྟར་རབ་ཏུ་སྦྱར་བ་དེ་ལྟ་དེ་ལྟར་ལས་བྱེད་དོ། ། རིག་པ་བསྒྲུབས་པ་ལས་མཚམས་མེད་པ་ལས་གྲོལ་ནས་བྱང་ཆུབ་ཀྱི་སེམས་རྙེད་དོ།། ཨོཾ་ཏ་ཐཱ་ག་ཏ་ཨུཥྞཱི
482a5 ཥ་ཨ་ན་བ་ལོ་ཀི་ཏེ་མཱརྷ་ནི་ཏེ་ཛོ་རཱ་ཤི་ཧཱུཾ། ཛཱ་ལ་ཛྭ་ལ། དྷ་ཀ་དྷ་ཀ། ད་ར་བི་ད་ར། ཚནྡ་ཆེནྡ། ཧཱུཾ་ཧཱུཾ་ཕཊ་ཕཊ་སྭཱ་ཧཱ། གཟི་བརྗིད་དང་ཕུང་པོར་རྣམ་པར་བཤད་དེ། འདབ་མ་ཆུང་ངུའི་རྒྱབ་ཏུ་གནས་པར་བྱའོ།།
482a6 ཞེས་པ་དེ་བཞིན་གཤེགས་པའི་གཙུག་ཏོར་གྱི་རྒྱུད་ཆུང་ངུ་ལས་བྲིས་པ་འདབ་མ་སོ་སོ་ལ་རྫོགས་པར་བྱ་བའི་ཕྱིར། གཞོན་ནུ་མས་བཀལ་བའི་སྲད་བུ་ལ་རས་བྱེད་དུ་བཅུག་ནས་སམ། ཡང་ན་དཔའ་བོའི་རིན་གྱིས
482a7 ཉོས་པ་སྟེ། ཇི་ལྟར་རྙེད་པའི་རས་ཁ་ཚར་མ་བཅད་པ་སྒྲ་དང་བྲལ་བ་ལ། རི་མོ་མཁན་གསོ་སྦྱོང་ཅན་དབང་པོ་མ་ཚང་བ་མིན་པས་ཁ་ཤར་དུ་ཕྱོགས་པས་རས་རྣམས་འཕྲུལ་འཁོར་ལ་བཞག་སྟེ། དེའི་མདུན་དུ
iiif viewer powered by OpenSeadragon
