| e-texts navigator |
| Wylie |
480b1 བ་མ་ཞེས་བྱ་བ་བཅོམ་ལྡན་འདས་མ་འཕགས་མ་སྒྲོལ་མའི་ནུ་མོ་སྟེ་ལས་ཐམས་ཅད་བྱེད་པའོ། ། སྒྲུབ་པ་པོས་རྟག་ཏུ་གཙུག་བུད་བཅིང་བ་དང་། ཕྱག་རྒྱབཅིང་བའང་བྱའོ།། བགེགས་ཐམས་ཅད་རྣམ་པར་འཇོམ
480b2 པར་བྱེད་པའོ། ། དེ་ལ་འདི་ནི་ཐོ་རངས་ལངས་ནས་གཙང་མར་གྱུར་པས་དཀྱིལ་འཁོར་བྱས་ནས། མེ་ཏོག་ལ་སོགས་པ་གཏོར་ཏེ་ལྔ་ལ་བརྩོན་པས་བརྒྱད་བརྒྱར་བཟླས་པར་བྱའོ།། མངོན་པར་འདོད་པའི་དོན་རྫོགས
480b3 པར་བྱེད་དོ། ། ཡང་ན་གང་འདོད་པ་དེ་དབང་དུ་བྱེད་དོ།། དེ་ནས་དཀྱིལ་འཁོར་དུ་ཙེ་ཏཱ་ཛི་ཀ་རབ་ཏུ་གཏོར་ནས་གང་འདོད་པ་དེ་སྨོད་པར་བྱེད་པར་འགྱུར་རོ།། བཀླགས་པས་གྲུབ་པ་གང་ཡིན་པ་དེ་ཇི་ལྟ་བ་བཞིན་དུ་རྟོག
480b4 པར་བྱ་བར་འགྱུར་རོ། ། ཡང་འདིར་རྣམ་གྲངས་ཀྱི་གཏེར་འདི་དེར་གང་གཅིག་ཏུ་རེག་པ་དེ་དྲན་པར་བྱེད་དོ།། དེ་ནས་གཤེད་བྱེད་སྐྱེད་པར་བྱེད་པར་འདོད་ན་དུར་ཁྲོད་དུ་སོང་ནས་དུར་ཁྲོད་ཀྱི་ཤིང་གིས་མེ་རབ་ཏུ་སྦར་ཏེ།
480b5 དར་ཆེན་པོས་བསྐོར་ལ་ཇི་ལྟར་སྐྱེས་པའི་ཁྲག་གིས་སྦྱིན་སྲེག་གྱིས་ཤིག། ཉི་མ་བདུན་པ་ལ་འཇིགས་པའི་ང་རོག་ཅན་གྱི་གཤེད་བྱེད་མཚན་མོ་ཕྱེད་ནས་ལང་བར་བྱེད་དོ།། ཡང་དག་པར་བསྔགས་པས་ཇི་ལྟར
480b6 བརྗོད་པའི་གནས་སུ་ཡང་ན་བྱིན་གྱིས་བརླབས་པ་སྦྱིན་པར་བྱའོ། ། འདི་ནི་བཅོམ་ལྡན་འདས་མའི་བྱིན་གྱིས་བརླབས་པས་ཇི་ལྟར་བདེ་བར་མངོན་པར་བདེ་བར་བྱེད་དོ།། དེ་ནས་གནས་ཁ་ཅིག་ཏུ་མི་རྣམས་འཆི་བ
480b7 དང་། གནས་ཁ་ཅིག་ཏུ་མེ་འབར་བར་མཐོང་བ་དང་། གནས་ཁ་ཅིག་ཏུ་ལྕགས་སྒྲོག་བཅིངས་པ་མཐོང་ངོ་།། དེ་ལྟར་གཤེད་བྱེད་དེ་རྣམ་པར་རྒྱུ་བར་བྱེད་དོ།། དེ་ཞི་བའི་དོན་དུ་བཅོམ་ལྡན་འདས་ཀྱི་སྤྱན་སྔར་པདྨ།
iiif viewer powered by OpenSeadragon
