| e-texts navigator |
| Wylie |
480a1 དང་། རྨ་བྱ་དང་། མ་ཧེ་དང་། རྔ་མོ་དང་། ངང་པ་དང་། མི་དང་། ལྷའི་བཞོན་པ་དང་། མཚོན་ཆ་སྣ་ཚོགས་པ་རྣམས་ཀྱང་འགོམ་པར་བྱེད་པ་དང་། སྣ་ཚོགས་བྱེད་པ་མཐོང་ནས
480a2 རྐང་པས་གནོན་པར་བྱེད་པ་དང་། རྣམ་པ་གཞན་དུ་ལོག་པར་འདྲེན་པ་དང་དངོས་གྲུབ་སྟེར་བར་མི་བྱེད་དོ།། བཟའ་བའི་ཆོ་གའང་འདིར་ཏིལ་དང་། ཤ་དང་། པཪྻ་ཊ་དང་། ཛམྦཱ་ལ་ཀ་དང་། ཉ་དང་། པཱུ་པ་ལི་ཀ
480a3 མང་པོ་དང་། ཏིལ་གྱི་ཐུག་པ་དང་། ལྷ་བཤོས་དང་། དྲི་མེར་ཉིད་བཟའ་བའང་སྤང་བར་བྱའོ།། ལྷའི་དྲི་མེད་ཉིད་གནོན་པ་དང་། པདྨ་གནོན་པ་དང་། ཆུ་ལ་གནས་པ་དང་ལྡན་པ་དང་། ཨུཏྤ་ལ་གནོན་པ་དང་།
480a4 ནགས་ཀྱི་བདག་པོ་གཅོད་པ་དང་། རྩ་བ་འབྱིན་པར་བྱེད་པའང་སྤང་བར་བྱའོ།། རིག་པ་རྗེས་སུ་དྲན་པར་བྱེད་པ་ཉིད་ཀྱིས་རྟག་ཏུ་གོས་གཙང་མ་བགོས་པས་བྱ་བ་ཐམས་ཅད་ལ་བསྟན་པ་ཉིད་དང་། གཞན་རིག་པའི་ཆོ་ག
480a5 ཐམས་ཅད་ལ་མཆོད་པར་བྱེད་པའོ། ། དེ་ནས་བཅོམ་ལྡན་འདས་ཀྱིས། སླར་ཡང་བྱང་ཆུབ་སེམས་དཔའི་ཚོགས་རྣམས་ལ་བཀའ་སྩལ་པ། གྲོགས་པོ་ཁྱེད་རྣམས་ཉོན་ཅིག། བཅོམ་ལྡན་འདས་མ་འཕགས་མ་སྒྲོལ
480a6 མའི་རིག་པའི་ཡི་གེ་རྣམས་ཐབས་དང་བཅས་པས་བདེ་བླག་ཏུ་སྒྲུབ་པར་བྱེད་པ། སེམས་ཅན་ཐམས་ཅད་ལ་ཕན་པར་བྱེད་པ། རལ་པ་གྱེན་བརྫེས་ཀྱི་རྒྱུད་ཕྱི་མར་ཡིད་ཀྱིས་གྲུབ་པའི་སྔགས་ཀྱི་ཚིག་རྣམས་ནི། ན་མོ་རཏྣ
480a7 ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤ་རཱ་ཡ། བོ་དྷི་ས་ཏྭཱ་ཡ། མཧཱ་ས་ཏྭཱ་ཡ། གྷུ་ནི་གྷུ་ནེ་ལ་ལ་ལ་སིདྡྷི་སིདྡྷ། བ་རཱ་ཀྲ་མ་སྭཱཧཱ། ཨ་མི་ཏཱ་བྷཱ་སུ་ཏ་སྭཱ་ཧཱ། སརྦྦེ་ཤྩ་ཨཱརྱ་ཨ་བ་ལོ་ཀི་ཏེ་སཱཧཱ། འདི་ནི་འཕགས་པརྦ
iiif viewer powered by OpenSeadragon
