| e-texts navigator |
| Wylie |
479b1 དུའང་རིག་པ་འཛིན་པས་སངས་རྒྱས་དང་། བྱང་ཆུབ་སེམས་དཔའ་དང་། རང་སངས་རྒྱས་དང་། འཕགས་པ་ཉན་ཐོས་ཀྱིས་གསུངས་པའི་རིག་པའི་སྔགས་རྣམས་མེ་ཏོག་དང་བདུག་སྤོས་ལ་སོགས་པ
479b2 རྣམས་ཀྱིས་མཆོད་པར་བྱ། བཀུར་སྟིར་བྱའོ།། དམ་ཚིག་མེད་པ་དང་། སྲོག་གཅོད་པར་བྱེད་པ་དང་། སྔགས་བྱེད་པ་དང་། དགེ་སློང་མ་སུན་འབྱིན་པར་བྱེད་པ་དང་། མཚམས་མེད་པ་བྱེད་པ་དང་།
479b3 ཚུལ་དང་བྲལ་བས་དགེ་འདུན་གྱི་རྫས་ལ་ཡོངས་སུ་ལོངས་སྤྱོད་པ་དང་། འབྲུའི་ཆང་དང་བཅོས་པའི་ཆང་ལ་ཡོངས་སུ་འགྲོ་བ་དང་། དགེ་སློང་ངམ་དགེ་སློང་མ་གསོད་པར་བྱེད་པ་དང་། ཟས་ལ་རྐང་པས་རྫི
479b4 བར་བྱེད་པ་དང་། དམ་ཚིག་མེད་པར་ཁྲོ་བས་ཟས་རྫི་བར་བྱེད་པ་དང་། འཐོར་བར་བྱེད་པ་དང་། དམ་ཚིག་མེད་པ་ཤི་བ་མཐོང་ནས་འགྲོ་བར་མི་བྱེད་པ་དང་། དམ་ཚིག་མེད་པ་དང་དཀྱིལ་འཁོར་དུ་མ
479b5 ཞུགས་པ་ལ་ཕྱག་རྒྱ་དང་སྔགས་སྦྱིན་པར་བྱེད་པ་དང་། དེ་ལའང་དམ་ཚིག་མེད་པར་སྨན་རྐང་པས་རྫི་བར་བྱེད་པ་དང་། དམ་ཚིག་ལས་ཉམས་པར་བྱེད་པ་དང་། སངས་རྒྱས་དང་། བྱང་ཆུབ་སེམས
479b6 དཔའ་རྣམས་དང་། ལྷ་གཞན་རྣམས་ལའང་ཇི་མེད་ཉིད་ཀྱིས་འགོམ་པར་བྱེད་པ་དང་། དམ་ཚིག་མེད་པར་དུང་དང་། འཁོར་ལོ་དང་། རྩེ་གསུམ་ཁ་གདེངས་དང་། བེ་ཅོན་དང་། མདུང་དང་། རྡོན
479b7 དང་ཕུ་བ་དང་། གཞུ་དང་། གཤོལ་དང་། གཏུན་ཤིང་དང་། མདའ་དང་། མདུང་ཟུང་ངམ། གླང་པོ་ཆེ་དང་། ཁྱུ་མཆོག་དང་། བོང་བུ་དང་། ཕག་དང་། ཤ་ར་བྷ་དང་། སེང་གེ་དང་། བྱ་གག
iiif viewer powered by OpenSeadragon
