| e-texts navigator |
| Wylie |
473b1 ཨུཏྟ་མ་ཏ་ཐཱ་ག་ཏ་ཨུདྦྷ་བ་ཧཱུཾ་ཕཊ་སྭཱ་ཧཱ། མིང་པོ་ཏུམ་བུ་རུ་ཞེས་པའོ།། སྔགས་ཀྱི་རྒྱལ་པོ་ཡོངས་སུ་བསྒྲགས།། མདོར་ན་ང་རྒྱལ་ཅན་རློམ་པ།། ཕྱི་མའི་རྒྱུད་ཀྱི་ལས་རྣམས་ནི།། ཇི་ལྟ་ཇི་ལྟར་རབ་སྦྱར་བ།། དེ་ལྟ
473b2 དེ་ལྟར་སྒྲུབ་པར་བྱེད། ། དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེ་རང་གི་རྫུ་འཕྲུལ་གྱི་ཆོ་འཕྲུལ་ཡང་དག་པར་བསྟན་པར་འདོད་པས་སྟན་ལས་ལངས་ནས། བཅོམ་ལྡན་འདས་ཤཱཀྱ་ཐུབ་པ་ལ་ལན་གསུམ་བསྐོར་བ
473b3 བྱས་ཏེ། རང་གི་རྡོ་རྗེ་གསོར་ནས་རྡོ་རྗེ་ཡང་དག་པར་སྐུལ་བར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ནས་ཡང་ཏིང་ངེ་འཛིན་དེ་ལས་བཞེངས་ཏེ། བྱང་ཆུབ་སེམས་དཔའ་སྤྱན་རས་གཟིགས
473b4 དབང་ཕྱུག་ལ་འདི་སྐད་ཅེས་སྨྲས་སོ། ། བྱང་ཆུབ་སེམས་དཔའ་བདག་ཀྱང་རྟོག་པའི་རྒྱལ་པོ་རྒྱུད་ཕྱི་མ་འདིར། བཅོམ་ལྡན་འདས་མ་འཕགས་མ་སྒྲོལ་མའི་མཐུ་ཀུན་ཏུ་བསྟན་པའི་དོན་དུ་འཇིག་རྟེན་པ་ཐམས་ཅད
473b5 ཀྱི་མཆོད་རྟེན་རྣམས་ཀྱིས་བཅོམ་ལྡན་འདས་མ་འཕགས་མ་སྒྲོལ་མའི་རྗེས་སུ་སྤྱོད་པ་སྦྱིན་པར་གྱིའོ། ། དེ་ལ་རྗེས་སུ་ཡི་རང་བའི་སེམས་དཔའ་ཆེན་པོའི་ཕྱི་མའི་དུས་ཀྱི་ཚེ་མཆོག་གི་གྲུབ་པ་དང་། མཆོག་གི
473b6 ལས་བྱེད་པ། ཚུལ་ཁྲིམས་འཆལ་པ་རྣམས་ཀྱང་ཁྱད་པར་དུ་འགྲུབ་པར་འགྱུར་རོ།། འཕགས་མ་སྒྲོལ་མའི་རྗེས་སུ་སྤྱོད་པ་པོས་གང་རྡུལ་ལས་བྱུང་བ་འདི་རྣམས་རིགས་དང་ཕ་རོལ་གནོན་པར་བྱེད་པའོ།།
473b7 དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས། བྱང་ཆུབ་སེམས་དཔའ་ཕྱག་ན་རྡོ་རྗེ་ལ་འདི་སྐད་ཅེས་སྨྲས་སོ།། ཕྱག་ན་རྡོ་རྗེ་གསུངས་ཤིག། དེ་ནས
iiif viewer powered by OpenSeadragon
