| e-texts navigator |
| Wylie |
46b1 སུ་དག་པ། ཡོངས་སུ་རྫོགས་པ། ཡོངས་སུ་གསལ་བ། ཚངས་པར་སྤྱོད་པ་འབའ་ཞིག་ཡང་དག་པར་རབ་ཏུ་སྟོན་ཏོ།། དེ་ནས་ཚངས་པ་ལ་སོགས་པས། བྱང་ཆུབ་སེམས་དཔའ་སེམས་དཔའ་ཆེན
46b2 པོ་འཕགས་པ་སྤྱན་རས་གཟིགས་དབང་ཕྱུག་ལ་བསྟོད་པ། ཀྱེ་བཅོམ་ལྡན་འདས། བྱ་བ་བྱས་ཤིང་བྱེད་ལ་མཁས།། ཁུར་བོར་བདག་དོན་རྗེས་སུ་བརྙེས།། སྲིད་པ་སྦྱོར་བ་ཡོངས་སུ་ཟད།། ཡང
46b3 དག་བཀའ་ལ་རྣམ་གྲོལ་སེམས། ། ཤེས་རབ་ཤིན་ཏུ་རྣམ་པར་གྲོལ།། ཀླུ་ཆེན་པོ་ནི་ཅང་ཤེས་པོ།། སེམས་ལ་དབང་སྒྱུར་ཐམས་ཅད་ཀྱིས།། མཆོག་ཏུ་ཕ་རོལ་ཕྱིན་པ་ཐོབ།། ཡེ་ཤེས་ཚོགས་ནི་ཡོངས
46b4 སུ་རྫོགས། ། སྲིད་པའི་དགོན་པ་རབ་ཏུ་བརྒལ།། གཞན་ལ་ཕན་པ་མཛད་ལ་བརྩོན།། ཐུགས་རྗེ་དང་ནི་འབྲེལ་བའི་ཐུགས།། སྐྱེ་དགུ་ཀུན་ལ་མཆོག་ཏུ་བྱམས།། བདེ་བར་བརྩོན་པ་བྱམ་ལས་བྱུང་།།
46b5 མཐའ་ཡས་སེམས་ཅན་གྲོལ་ལ་མཁས།། བདེ་བར་གཤེགས་པ་ཉིད་ལས་སྐྱེས།། བདེ་བར་གཤེགས་པ་ཉིད་ཀྱི་བཀའ།། ཁམས་གསུམ་ཀུན་གྱི་གཉེན་གཅིག་པུ།། འདོད་ཆགས་ཞེ་སྡང་གཏི་མུག
46b6 མེད། ། དྲི་མ་གསུམ་ནི་རབ་ཏུ་སྤངས།། རིག་པ་གསུམ་གྱི་ཕ་རོལ་ཕྱིན།། མངོན་པར་ཤེས་པ་དྲུག་ཀྱང་བརྙེས།། ནྱ་གྲོ་དྷ་ནི་ལྟ་བུར་ཟླུམ།། སྐྱེས་བུ་ཆེན་པོའི་མཚན་རྣམས་ནི།། སུམ་ཅུ་རྩ་གཉིས་དག་དང་ལྡན།། །
46b7 དཔེ་བྱད་བཟང་པོ་བརྒྱད་ཅུས་ཀྱང་།། སྐུ་ནི་རྣམ་པ་ཀུན་ཏུ་བརྒྱན།། སྐུ་མདོག་གསེར་གྱི་ཁ་དོག་འདྲ།། སྐུ་ཚད་ཆེ་ལ་དཀར་ཤམ་པོ།། ན་ག་གེ་སར་གཞོན་ནུ་ལྟར།། ཅུང་ཟད་དམར་བ་འདྲ་བའི་མདོག།
iiif viewer powered by OpenSeadragon
