| e-texts navigator |
| Wylie |
465b1 ཀྱི་གཞོགས་སུ་འཕགས་པ་སྤྱན་རས་གཟིགས་དབང་ཕྱུག་སྟོན་ཀའི་སྤྲིན་ལྟར་དཀར་བ། རལ་པའི་ཅོད་པན་འཆང་བ། འོད་དཔག་མེད་དབུ་ལ་བཞུགས་པ། དར་ལའི་སྟོད་གཡོགས་ཅན། དར་ལ
465b2 དང་རས་ཀྱི་ཤམ་ཐབས་ཅན། རྒྱན་ཐམས་ཅད་ཀྱིས་རྣམ་པར་བརྒྱན་པ། ཕྱག་གཡོན་པས་པདྨའི་ཕྱག། ཕྱག་གཡས་པས་བཅོམ་ལྡན་འདས་ལ་རྔ་ཡབ་གཡོབ་པར་བྱེད་པ། པདྨའི་གདན་ལ་སེམས
465b3 དཔའ་ཆེན་པོའི་མཚན་གྱིས་བརྒྱན་པར་བྱས་པའི་ལུས་ཅན། ཅུང་ཟད་དེ་བཞིན་གཤེགས་པའི་གཟུགས་བརྙན་ལ་ལྟ་བའོ།། བཅོམ་ལྡན་འདས་ཀྱི་གཡོན་དུ་འཕགས་པ་ཕྱག་ན་རྡོ་རྗེ་ཨུཏྤ་ལ་སྔོན་པོའི
465b4 འདབ་མའི་ཁ་དོག་ཅན། པདྨའི་གདན་ལ་རྒྱན་ཐམས་ཅད་ཀྱིས་རྣམ་པར་བརྒྱན་པ། རབ་ཏུ་དང་བའི་སྐུ། དར་དང་རས་ཀྱི་ཤམ་ཐབས་ཅན། སྟོད་གཡོགས་དམར་པོ་མནབས་པ། ཕྱག་གཡས
465b5 པས་བཅོམ་ལྡན་འདས་ཤཱཀྱ་ཐུབ་པ་ལ་ཕྱག་འཚལ་བཞིན་པ། ཕྱག་གཡོན་པས་རྔ་ཡབ་ཀྱིས་བྲེལ་བ། འབར་བས་འཁྲུགས་པའི་ཕྱག། ཅུང་ཟད་དེ་བཞིན་གཤེགས་པའི་གཟུགས་བརྙན་ལ་ལྟ་བར
465b6 གྱུར་པའོ། ། སྤྱན་རས་གཟིགས་དབང་ཕྱུག་གི་གཡས་སུ་བཅོམ་ལྡན་འདས་མ་སྒྲོལ་མ་ཆེན་མོ་བྲི་ཡང་ཀུ་ལྟར་སྔོ་བསངས་མ། ཀུན་ནས་འབར་བའི་འཕྲེང་བས་འཁྲུགས་པ། རབ་ཏུ་དང་བའི་སྐུ། པདྨའི
465b7 གདན་ལ་གནས་པ། ཅུང་ཟད་འཛུམ་པའི་བཞིན། དར་དང་རས་ཀྱི་ཤམ་ཐབས་ཅན། སྟོད་གཡོགས་དམར་པོ་མནབས་པ། ཕྱག་གཡོན་པས་ཨུཏྤ་ལ་ཡོངས་སུ་བཟུང་ནས། གཡས་པས་བཅོམ
iiif viewer powered by OpenSeadragon
