| e-texts navigator |
| Wylie |
464a1 ལ་དང་རས་ཀྱི་སྨད་གཡོགས་དང་སྟོད་གཡོགས་ཅན། ཐལ་མོ་སྦྱར་བ་བྱས་པ། ཅུང་ཟད་སྒྲོལ་མའི་གཟུགས་བརྙན་ལ་ལྟ་བར་གྱུར་པ། བཀའ་ནོད་པར་བྱེད་བཞིན་པའོ།། དེར
464a2 གོང་དུ་པདྨ་ཆེན་པོ་ཞེས་བྱ་བའི་ཁྲོ་བོ་མདོག་དམར་པོ། ཀུན་ནས་འབར་བའི་འཕྲེང་བས་འཁྲུག་པ། པདྨའི་གདན་ལ་ཉེ་བར་འདུག་པ། བཅོམ་ལྡན་འདས་མ་འཕགས་མ་སྒྲོལ་མའི་བཀའ་ནོད་པར་བྱེད
464a3 བཞིན་པའོ། ། ཁྲོ་བོའི་རྒྱལ་པོ་དེ་རྣམས་ཐམས་ཅད་ཀུན་ནས་འབར་བ་ཆེན་པོའི་འོད་ཀྱི་དཀྱིལ་འཁོར་དང་རྣམ་པར་འགྱུར་བའི་གཟུགས་འཆང་བ། དར་དང་རས་ཀྱི་སྨད་གཡོགས་ཅན། རྒྱན་ཐམས
464a4 ཅད་ཀྱིས་རྣམ་པར་བརྒྱན་པའི་ལུས་སུ་བྱའོ། ། སྒྲོལ་མའི་གཡོན་གྱི་གཞོགས་སུ་བྱང་ཆུབ་སེམས་དཔའ་མཐུ་ཆེན་ཐོབ་སྐུ་མདོག་དཀར་པོ། རལ་པའི་ཅོད་པན་འཆང་བ། རྒྱན་ཐམས་ཅད་ཀྱིས་རྣམ
464a5 པར་བརྒྱན་པ། དར་ལའི་སྟོད་གཡོགས་ཅན། དར་ལ་དང་རས་ཀྱི་སྨད་གཡོགས་ཅན། པདྨའི་གདན་ལ་གནས་པ། བཅོམ་ལྡན་འདས་ཤཱཀྱ་ཐུབ་པ་ལ་ཕྱག་འཚལ་བཞིན་པའོ།། སྤྱན་རས་གཟིགས
464a6 དབང་ཕྱུག་གི་པདྨའི་འོག་ཏུ་བྱང་ཆུབ་སེམས་དཔའ་དྲི་མ་མེད་པ་འགྲོ་བ་ཞེས་བྱ་བ་པྲི་ཡང་ཀུ་ལྟར་སྔོ་བསངས། ཅུང་ཟད་འཛུམ་པའི་བཞིན་དང་། པདྨའི་གདན་ལ་ཉེ་བར་འདུག་པ། རོལ་པའི་ཅོད་པན
464a7 འཆང་བ། དར་ལ་གཡོ་བ་དང་བཅས་པའི་སྨད་གཡོགས་དང་དར་ལའི་སྟོད་གཡོགས་འཆང་བ། ཤོན་ཏུ་དང་བའི་སྐུ། འོད་ཟེར་འབར་བ། བཅོམ་ལྡན་འདས་ཤཱཀྱ་ཐུབ་པ་ལ་ཕྱག་འཚལ་བཞིན་པའོ།།
iiif viewer powered by OpenSeadragon
