| e-texts navigator |
| Wylie |
462b1 མེད་པའི་འོད་ཟེར་དང་། བཀོད་པའི་འོད་ཟེར་དང་། དཀར་པོའི་འོད་ཟེར་དང་། པདྨའི་འོད་ཟེར་དང་། བཀོད་པའི་གཙུག་ཏོར་དང་། བདུད་བཞི་རྣམ་པར་འདུལ་བའི་གཙུག་ཏོར་དང་། གཙུག་ཏོར་མངོན
462b2 པར་འཕགས་པ་དང་། བསམ་གྱིས་མི་ཁྱབ་པའི་གཙུག་ཏོར་ཞེས་པ་འདི་རྣམས་དང་། དེ་བཞིན་གཤེགས་པའི་ནུས་པ་དང་། ལུང་བསྟན་པ་ཞེས་པ་གཙུག་ཏོར་གྱི་རྒྱལ་པོ་འདི་རྣམས་གཡོན་གྱི་སྟེང་དུ་བྲི་བར
462b3 བྱའོ། ། གཙུག་ཏོར་འཁོར་ལོས་སྒྱུར་བའི་ཉེ་ལོགས་སུ་འཕྲེང་གཅིག་ལ་བརྟེན་པའི་རིག་པའི་རྒྱལ་མོ་ཆེན་མོ་བརྒྱད་བྲི་སྟེ། བཅོམ་ལྡན་འདས་མ་སྤྱན་མ་དང་། མཛོད་སྤུ་དང་། ཟླ་བ་དང་། སྙིང་རྗེ་མ་དང་།
462b4 བྱམས་པ་མ་དང་། མི་འཇིག་མ་དང་། ལུང་བསྟན་མ་དང་། དེ་བཞིན་གཤེགས་པའི་ནུས་པ་ཞེས་པ་འདི་རྣམས་པདྨའི་གདན་ལ་གནས་པ། འབར་བའི་འཕྲེང་བས་འཁྲུག་པ། རབ་ཏུ་དང་བའི་སྐུ་དེ་བཞིན་གཤེགས
462b5 པ་ལ་ངེས་པར་རྟོག་བཞིན་པའོ། ། འདི་རྣམས་ཀྱི་སྟེང་དུ་གསང་སྔགས་ཀྱི་རྒྱལ་པོ་བརྒྱད་ལ་འདི་ལྟ་སྟེ། བཅོམ་ལྡན་འདས་དེ་བཞིན་གཤེགས་པའི་ལྷུང་བཟེད་དང་། མཁར་གསིལ་དང་། ཆོས་གོས་དང་། དེ
462b6 བཞིན་གཤེགས་པའི་དྲི་མ་དང་། དེ་བཞིན་གཤེགས་པའི་འོད་ཀྱི་དྲ་བ་དང་། དེ་བཞིན་གཤེགས་པའི་ཀུན་ཏུ་སྣང་བ་དང་། དེ་བཞིན་གཤེགས་པའི་སྙིང་པོ་དང་། དེ་བཞིན་གཤེགས་པའི་ཉེ་བའི་སྙིང་པོ
462b7 ཞེས་པ་འདི་རྣམས་པདྨའི་གདན་ལ་གནས་པ་འབར་བའི་འཕྲེང་བས་འཁྲུགས་པ། རབ་ཏུ་དང་བའི་སྐུ། ཅུང་ཟད་དེ་བཞིན་གཤེགས་པ་ལ་ངེས་པར་རྟོག་བཞིན་པ། རང་གི་གཟུགས་ལས་རབ་ཏུ་སྣང་བའི་སྐུ
iiif viewer powered by OpenSeadragon
