| e-texts navigator |
| Wylie |
45a1 མ་རྡོལ་བ་དང་། དོན་སྣོད་དུ་འདུས་པ་དང་། བྱད་ཀྱི་དཀྱིལ་འཁོར་ལ་ནད་སྣ་ཚོགས་འདུས་པ་དང་། གློ་བ་ན་བ་དང་། དབུགས་མི་བདེ་བ་དང་། རླུང་མཁྲིས་བད་ཀན་འདུས་པ་ཐམ
45a2 ཅད་ལས་ཐར་པར་འགྱུར་རོ། ། འཇམ་དཔལ་གཟུངས་འདི་ནི་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པའོ།། སུ་ཞིག་གམ་རྒྱལ་པོ་དེས་གཟུངས་འདི་གླེགས་བམ་ལ་བྲིས་ཏེ་འཆང་བ
45a3 དང་། ཀློག་པ་དང་། ཀུན་ཆུབ་པར་བྱེད་པ་དང་། མཆོད་པ་དང་། ཡི་གེར་འདྲི་བ་དང་། གྲོང་ངམ། གྲོང་ཁྱེར་རམ། གྲོང་རྡལ་ལམ། ལྗོངས་སམ། རྒྱལ་པོ་ཡུལ་འཁོར་དང་བཅས་པ་འམ།
45a4 གཙུག་ལག་ཁང་དུ་གླེགས་བམ་འདི་འཆང་ན། དཔལ་ནག་པོ་ཆེན་པོ་དང་། རྒྱལ་པོ་ཆེན་པོ་བཞི་དང་། ཀླུའི་རྒྱལ་པོ་བ་རུ་ཎ་དང་། ཀླུ་ཆེན་པོ་བརྒྱད་རྣམས་སླད་བཞིན་འབྲང་ཞིང་། དཔག་ཚད
45a5 སྟོང་ཚུན་ཆད་དུ་སླར་རྒོལ་བ་དང་། ལྷ་དང་། ཀླུ་དང་། གནོད་སྦྱིན་དང་། གདོན་མ་རུངས་པ་ཐམས་ཅད་དང་། ལོག་པར་འདྲེན་པ་དང་། ཕྱིར་རྒོལ་བ་ཐམས་ཅད་འཇོམས་པར་འགྱུར་རོ།། སྒོམ་ཉེས་པ
45a6 དང་། བྲི་ཉེས་པ་དང་། སྔགས་ནོར་བ་དང་། ཕྱག་རྒྱ་ནོར་བ་དང་། བཤད་ཉེས་པ་དང་། མཉན་པ་ནོར་བའང་གཟུངས་འདི་བཀླགས་པས་དག་པར་འགྱུར་རོ།། གཟུངས་འདིས་སུ་ལ་བསྲུང་བ་བྱས
45a7 པ་དང་། ཡོངས་སུ་བསྐྱབ་པ་བྱས་པ་དང་། བསྐྱང་བ་དང་། ཞི་བ་དང་། བདེ་ལེགས་སུ་བྱས་པ་དེ་ལ་མཚོན་དང་། དུག་དང་། དབྱིག་དུག་དང་། བྱད་དང་། གཤེད་མ་དང་། རིམས་དང་། གནོད་པ་ཐམས་ཅད
iiif viewer powered by OpenSeadragon
