| e-texts navigator |
| Wylie |
455b1 དང་མཚུངས་པའི་རྗེས་སུ་གནང་བ་ཐོབ་ཅིང་དད་པས་བྱང་ཆུབ་ཏུ་སེམས་བསྐྱེད་པ། སེམས་ཅན་རྣམས་ཀྱི་སྟོབས་དང་སྟོབས་མ་ཡིན་པ་ཤེས་པ། སེར་སྣ་མེད་ཅིང་གཡོ་སྒྱུ་མེད་པས་ནག་པོ་མེད་ཅིང་ཧ་ཅང་མི
455b2 སྦོམ། ། ཧ་ཅང་མི་ཕྲ་བ། དྲི་ངན་པ་མེད་པས་དབང་པོ་མ་ཚང་བ་མ་ཡིན་པ། མཛེས་པ། སྙིང་སྟོབས་དང་ལྡན་པས་སྦྱིན་པ་དང་། ཚུལ་ཁྲིམ་དང་། བཟོད་པ་དང་། བརྩོན་འགྲུས་དང་། བསམ་གཏན་དང
455b3 ཤེས་རབ་དང་། སྙིང་རྗེ་དང་ཡང་དག་པར་ལྡན་པར་གྱུར་པ། སེམས་ཅན་གྱི་དགོངས་པ་དང་། བསམ་པ་ཤེས་པ། སངས་རྒྱས་དང་། ཆོས་དང་། དགེ་འདུན་ལ་མངོན་པར་དང་བ། ཆ་མང་པོ་མངོན་པར་ཤེས་པ།
455b4 གསལ་ཞིང་གསལ་བར་སྨྲ་བ། དཀྱིལ་འཁོར་བྲིས་པའི་ལས་ལ་བྱང་བ། རིག་གསུམ་གང་ཡང་རུང་བའི་རིག་པ་ལ་སོགས་པས་སྔོན་དུ་བསྙེན་པ་བྱས་པ། ཕྱག་རྒྱ་དང་དཀྱིལ་འཁོར་གྱི་རབ་ཏུ་སྦྱོར་བ་ཤེས་པ།
455b5 མཆོད་རྟེན་གྱི་ལས་བྱས་པ། ཧ་ཅང་མི་རྒན། བྱིས་པ་དང་རིགས་དམའ་བར་སྐྱེས་པ་མ་ཡིན་པ། གཞོན་ཞིང་ལང་ཚོ་དང་ལྡན་པ་ངང་ཚུལ་བཟང་པོའི་སྒྲུབ་པ་པོས་གསང་བའི་དཀྱིལ་འཁོར་བྲོ་བར་བྱའོ་ཞེས་སོ།། །
455b6 དེ་ནས་འདི་ལྟ་བུའི་སློབ་དཔོན་གྱིས་བཅོམ་ལྡན་འདས་མའི་དཀྱིལ་འཁོར་གྱི་ཆོ་ག་བརྩམ་པར་བྱ་སྟེ། ནུས་མེད་འདུལ་ཉེས་མ་ཡིན་པ།། དཀྱིལ་འཁོར་ཡང་དག་རབ་སྦྱར་བྱ།། རྨོངས་པའི་སེམས་དང་ཆགས་ཅན
455b7 ལ། དཀྱིལ་འཁོར་བསྟན་པར་ཡང་མི་བྱ།། གང་ཞིག་བསླབ་ལ་ཡུད་ཙམ་ཡང་།། ལྷག་པར་འགྲོ་བའི་ལུས་ཅན་དེས།། མཐོ་རིས་ཐར་པ་ཡང་དག་འགྲུབ།། ཡོད་ཀྱི་དབང་ཕྱུག་ཐོབ་པར་འགྱུར།། བྱང་ཆུབ
iiif viewer powered by OpenSeadragon
