| e-texts navigator |
| Wylie |
453b1 ཡིན་དེ་རྣམས་བདག་གིས་ནི། ། སངས་རྒྱས་ཀུན་གྱི་བྱང་ཆུབ་ནི།། ཐོབ་པའི་ཆེད་དུའང་ལུང་བསྟན་ཏོ།། མ་འོངས་སངས་རྒྱས་འབྱུང་འགྱུར་བ།། འཇིག་རྟེན་མགོན་པོ་དེ་རྣམས་ཀྱང་།། རྗེས་སུ་ཡི་རང་འགྱུར་བ་ཡིན།།
453b2 དཀྱིལ་འཁོར་ཕུན་ཚོགས་འཕེལ་བྱེད་པ།། དེ་བཞིན་ཡོན་ཏན་ཀུན་སྡུད་པ།། སྒྲོལ་མའི་དཀྱིལ་འཁོར་རྨད་བྱུང་བ།། སེམས་དཔའ་ཆེན་པོ་འཇིག་རྟེན་མགོན།། ཡང་དག་བཀའ་ཡིས་སྨྲོས་ཤིག་སྨྲོས།། དེ་སྐད་ཅེས
453b3 བཀའ་སྩལ་པ་དང་། ། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་སྟན་ལས་ལངས་ནས། བླ་གོས་ཕྲག་པ་གཅིག་ཏུ་བྱས་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ།
453b4 བཅོམ་ལྡན་འདས་གང་ན་བ་དེར་ཐལ་མོས་ཕྱག་འཚལ་ནས། བཅོམ་ལྡན་འདས་ཤཱཀྱ་ཐུབ་པ་ལ་ཐ་མིད་པའི་ཚིགས་སུ་བཅད་པས་བསྟོད་པའི་ཚིག་གིས་མངོན་པར་བསྟོད་དོ།། ཤཱཀྱའི་རྒྱལ་པོ་ལྷ་ཡི་རྒྱལ།། ཕུན་ཚོགས
453b5 ཡོན་ཏན་དུ་མ་ཅན། ། རབ་བསྔགས་རྫུ་འཕྲུལ་རབ་མ་ཉམས།། རྒྱུན་དུ་དཀར་བའི་གོས་དང་ལྡན།། མཆོད་སྡོང་ཞལ་ནི་འདམ་སྐྱེས་དྲི།། བློ་བཟང་སྙིང་པོ་བརྟན་པར་འཛིན།། གང་ཕྱིར་ཁྱོད་ནི་ཕུན་ཚོགས་ཉིད།།
453b6 འདི་ནི་འགྲོ་བ་དེ་དག་གི། དགའ་བས་དགའ་བར་བྱེད་པ་ནི།། མགོ་བོ་ལྷ་རྣམས་ཀྱི་ནི་སྟེ།། རང་བཞིན་དྲན་པས་ཀུན་ཏུ་སྣང་།། དེ་ཡི་ཚིག་ནི་རབ་རིག་པ།། དཔའ་དེ་ཆགས་པ་ཟད་པ་ཉིད།། འབྲས་བུ་གསུམ
453b7 ཉིད་འཛིན་པར་བྱེད། ། དེ་དེ་གཞན་དུ་དེ་ཡིས།། ལྷ་ཡི་མཛེས་མས་ཀུན་བསྲུངས་པ།། བརྒྱད་ཀྱིས་འདིར་ནི་དབང་ཞལ་ལས།། སྐྱེས་པའི་དཔའ་བོ་རབ་སྟོབས་དང་།། གཡོ་བའི་སྤྲོ་དགའི་དབང་པོ་དང་།། ཀུན
iiif viewer powered by OpenSeadragon
