| e-texts navigator |
| Wylie |
450b1 བར་བྱ་སྟེ་ཆུ་ཀླུང་གི་མཐའ་སྒྲོལ་བར་བྱེད་པ་འགྲོད་དཀའ་བ་ཅན་གྱི་འདུན་སའམ། རྒྱལ་པོའི་ཕོ་བྲང་དུའང་རུང་སྟེ། ལྷ་རྣམས་དྲན་པར་བྱས་ཏེ་གཞན་གྱིས་མི་ཐུབ་པར་འགྱུར་རོ།། གང་དུ་འདོད་པ་དབང་དུ་བྱའོ།།
450b2 དེ་བ་ཕགས་པའི་ཞལ་དུའང་བཅུག་ནས་ཅུང་ཟད་ཡང་དག་པར་གསུང་བར་མཛོད་ཅིག། རིང་པོར་མི་ཐོགས་པར་དབང་དུ་འགྱུར་རོ།། ཆུ་སྣོད་དུ་བྱས་ནས་དེ་ལ་འཕགས་པ་སྤྱན་རས་གཟིགས་དབང་ཕྱུག་བསམས་ཏེ་སྟོང་ཕྲག
450b3 བརྒྱད་དུ་མངོན་པར་བསྔགས་པའི་ཆུ་དེས་མཆེ་བ་ཅན་ལ་གཏོར་བར་བྱའོ། ། དུག་མེད་པར་འགྱུར་རོ།། དེ་ལ་བརྗོད་པའི་ཆོ་གས་དཀྱིལ་འཁོར་རབ་ཏུ་ཞུགས་པ་ནི་དོན་མེད་པར་མི་འགྱུར་རོ།། ས་ལ་མ་ལྷུང་བའི་བ་བྱུང་བླང
450b4 ནས་ཙཱ་རུ་བཟའ་ཞིང་མི་སྨྲ་བར་དཀྱིལ་འཁོར་བྱས་ནས་ཟླ་བ་ཉ་ནས་བརྩམས་ཏེ། ཇི་སྲིད་གསུམ་པའི་བར་དེ་སྲིད་དུ་བཟླས་པར་བྱ་སྟེ་འབུམ་བཟླས་སོ།། ཟླ་བ་དྲུག་ཏུ་ཚངས་པར་སྤྱོད་པ་དང་བརྟུལ་ཞུགས་འདི་ཉིད་སྤྱད་ཅིང
450b5 ཟླ་བས་དངོས་གྲུབ་དང་། ཟླ་བ་དྲུག་གིས་འགྲོ་བ་མཐའ་དག་མངོན་སུམ་དུ་མཐོང་བར་འགྱུར་རོ།། ལུས་ཀྱིས་ཀྱང་མཆོག་གི་དངོས་གྲུབ་ཐོབ་པར་བྱེད་དོ།། ཟླ་བས་སྔགས་ཐམས་ཅད་སྒྲུབ་པར་བྱེད་དོ།། གང་འདེད
450b6 པའི་ཀླུའི་རྒྱལ་པོ་མངོན་པར་བྲིས་ནས་དེའི་སྟེང་དུ་རྐང་པ་གཡོན་པ་བཞག་སྟེ་གཡོགས་པའི་ཕྱོགས་སུ་འབུམ་བཟླས་པར་བྱའོ། ། ཀླུའི་རྒྱལ་པོ་དེ་འོང་སྟེ། དེ་ཅི་བགྱི་ཞེས་སྨྲ་བར་བྱེད་དོ།། ཀླུ་ཐམས་ཅད་ཀྱི་གནས་སུ་རབ་ཏུ
450b7 འཇུག་པར་གྱིས་ཤིག་ཅེས་བརྗོད་པར་བྱའོ། ། དེར་རབ་ཏུ་འཇུག་པར་བྱེད་དོ།། གང་ཚོལ་བ་དེ་རྙེད་དོ།། དེ་བཞིན་དུ་གནོད་སྦྱིན་གྱི་རྒྱལ་པོ་བྲིས་ནས་སྒྲུབ་པར་བྱེད་ན་བཀའ་བསྒོ་བ་བྱེད་དེ། ཐམས་ཅད་འཛིན་པའི་གཙང་མའི
iiif viewer powered by OpenSeadragon
