| e-texts navigator |
| Wylie |
448a1 གདུགས་དང་རྒྱལ་མཚན་བ་དན་དང་།། བཙུན་མོ་རྒྱན་གྱིས་བརྒྱན་པ་དང་།། དེ་བཞིན་བུམ་པ་གང་བ་དང་།། མཆོད་ཡོན་མཐོང་ན་དངོས་གྲུབ་རྒྱུ།། རྣམ་པ་འདི་ཡིས་བསྔགས་པའམ།
448a2 རབ་བསྔགས་འཇིག་རྟེན་གྱིས་མཆོད་པའི།། དགེ་སློང་དང་ནི་དགེ་སློང་མ།། དེ་རྣམས་མཐོང་ན་གསང་སྔགས་ཀྱི།། སྣ་ཚོགས་སྤྱོད་ཡུལ་དངོས་གྲུབ་བོ།། ཞེས་སོ།། བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ
448a3 ཐེག་པ་ཆེན་པོའི་མདོ་སྡེ་རལ་པ་གྱེན་བརྫེས་ཀྱི་རྟོག་པ་ལས། བགྲང་འཕྲེང་སྲད་བུའི་ཆོ་གའི་ལེའུ་རབ་འབྱམ་བཅུ་གཅིག་པ་ཡོངས་སུ་རྫོགས་སོ།། ། དེ་ནས་རས་རིས་ཀྱི་སྤྱན་སྔར་ཀླུ་ཤིང་གི
448a4 མེ་ཏོག་སྟོང་ཕྲག་བརྒྱད་ཀྱིས་མིའི་བདག་པོ་དབང་དུ་འགྱུར་རོ། ། ནད་ཐམས་ཅད་ལས་རྐང་ཤུ་དང་གདུག་པའི་རྨ་རྣམས་ལ་སའི་གོང་བུ་ལ་ལན་བདུན་མངོན་པར་བསྔགས་པ་བྱིན་ན་ཉེ་བར་ཞི་བར་འགྱུར་རོ།། སྔོན
448a5 སྤྱོད་པ་བྱས་པས་བ་བྱུང་ལྔས་ལུས་སྦྱང་བ་བྱས་ནས་དུས་གསུམ་དུ་ཁྲུས་བྱས་ཏེ་འོ་མ་བཏུང་བར་བྱའོ། ། རྩ་བའི་རས་རིས་ཀྱི་སྤྱན་སྔར་བརྒྱད་བརྒྱ་བཟླས་པར་བྱའོ།། ཕྱི་ནས་ནག་པོའི་བརྒྱད་པ་ལ་རས་རིས་ཀྱི་སྤྱན
448a6 སྔར་ཇི་ལྟར་ནུས་པའི་མཆོད་པ་བྱས་ནས་ཀུ་ཤའི་ཁྲེས་ལ་ཉེ་བར་འདུག་སྟེ། བིལ་བའི་ཡམ་ཤིང་ལ་མར་དང་། ཞོ་དང་། སྦྲང་རྩི་བཏགས་པ་སྟོང་ཕྲག་བརྒྱད་སྦྱིན་སྲེག་གྱིས་ཤིག། འཕགས་པ་འཇམ་དཔལ་གྱི་སྐྱེ
448a7 བོ་ནས་འོད་ཟེར་འབྱུང་བར་བྱེད་དོ། ། དེས་སྒྲུབ་པ་པོ་ལ་བསྐོར་བ་བྱས་ནས་བཅོམ་ལྡན་འདས་ཀྱི་གཟུགས་བརྙན་གྱི་མདུན་དུ་མི་སྣང་བར་འགྱུར་རོ།། དེ་ནས་འཕགས་པ་སྤྱན་རས་གཟིགས་དབང་ཕྱུག་མཐོང་སྟེ་མཆོག
iiif viewer powered by OpenSeadragon
