| e-texts navigator |
| Wylie |
446b1 འདོད། ། ནག་པོའི་དུར་ཁ་སེར་སྐྱ་ལའང་།། གཡོན་པ་ཅན་ཞེས་བྱ་བ་ཉིད།། ཁ་དོག་རྣམ་གསུམ་རབ་འཇུག་པ།། དངོས་གྲུབ་རྣམ་པ་གསུམ་ཡིན་ནོ།། སྔགས་པ་ལས་གཞན་ཁ་དོག་གམ།། རྣམ་པ་སྣ
446b2 ཚོགས་ཁ་དོག་ཉིད། ། དེ་ལ་སྔགས་ཀྱི་དངོས་གྲུབ་མེད།། སླར་ཡང་ས་ཡི་མཐིལ་འདིར་ནི།། རྣམ་པ་སྣ་ཚོགས་ཁ་དོག་ཉིད།། ཁ་དོག་གསལ་བ་དེ་འདྲ་ཡོད།། མེ་ནི་འབར་བ་མཐོང་ནས་ནི།། སླར་ཡང
446b3 ལས་རྣམས་བརྩམ་པར་བྱ། ། སྤྱན་དྲང་བྱས་ལ་གཟུགས་ཁ་དོག། གལ་ཏེ་སྔགས་ཀྱི་དངོས་གྲུབ་འགྱུར།། སླར་ཡང་སྦྱིན་སྲེག་རབ་འཇུག་པ།། ལས་ཀྱི་ཆོ་ག་མཐོང་བ་ཡིས།། སྤྱན་དྲངས་གཤེགས་སུ
446b4 གསོལ་བ་ཉིད། ། མེ་ལ་སྔགས་ནི་བརྗོད་པར་བྱ།། སྔར་ནི་རབ་ཏུ་བརྟགས་པས་ཀྱང་།། དཀྱིལ་འཁོར་འདི་རུའོ་རྣམ་པ་གཞན།། ཆོ་ག་དེ་ཉིད་ཀྱིས་གྱིས་ཤིག། སྦྱིན་སྲེག་འདི་ལ་སྤྱན་དྲང་དང་།།
446b5 གཤེགས་སུ་གསོལ་བའི་ལས་ཅན་གྱིས།། ལས་རྣམས་དེ་ཉིད་ཀྱིས་བྱའོ།། དེར་ནི་མེ་ཡིས་སྤྱོད་པའི་ལས།། དེ་བཞིན་གཟུགས་དང་རས་རིས་ཀྱི།། སྤྱན་སྔར་བརྩམས་ནས་འགྲུབ་པར་བྱེད།། དེ་ལ
446b6 སྔགས་ནི་སྔར་བརྗོད་པ། ། དེ་བཞིན་གཤེགས་པ་རྒྱལ་བས་བསྔགས།། ལས་རྣམས་ཀུན་ནས་དེར་བྱའོ།། གཞན་པའི་ལས་རྣམས་མི་བྱ་སྟེ།། ཁྱད་པར་སྡིག་པ་ཅན་གྱི་ལས།། རྒྱལ་བ་མཆོག་གིས་སྨད་པ
446b7 དང་། ། གང་དུ་འཇིག་རྟེན་དང་འགལ་སྨད།། འཁོར་ལོས་སྒྱུར་བ་ཉིད་དུ་ལངས།། དེ་ནས་བྱང་སེམས་ས་ཡི་བདག། དེ་བཞིན་མངོན་ཤེས་ལྔ་ཐོབ་པ།། དེ་ནས་ལྷ་ཉིད་འགྲུབ་པར་བྱེད།། འདིར་ནི་རྟག
iiif viewer powered by OpenSeadragon
