| e-texts navigator |
| Wylie |
446a1 ནས་ནི། གསང་སྔགས་དེས་སོ་གཞན་དུ་མིན།། ཞོ་ལྡན་མར་དང་བསྲེས་པ་ལ།། སྦྲང་རྩི་བཏགས་པའི་ཡམ་ཤིང་གསུམ།། རྒྱས་དོན་མེ་ལ་སྦྱིན་སྲེག་བྱ།། སྔགས་ཀྱི་ལས་ཀྱི
446a2 ཐམས་ཅད་དུ། ། པདྨའི་གདན་ལ་ཉེར་འདུག་པས།། ཞི་བའི་ལས་ཀྱི་སྦྱིན་སྲེག་བྱ།། རྒྱས་པ་ཅན་ལ་འདི་རྣམས་ཉིད།། སྦྱིན་བྱ་གཟུགས་འཐུན་སྔགས་རྣམས་ཀྱིས།། མངོན་སྤྱོད་ཅན་དུ་གནས་པ་ལ།།
446a3 གཞན་གྱི་གཟུགས་སུ་བལྟ་བར་བྱ།། དྲི་མ་མེད་པའི་ལྷ་རྣམས་ནི།། རིམ་པ་བཞིན་དུ་མེ་ཐབ་ཏུ།། ཇི་ལྟར་རྙེད་པའི་མེ་ཏོག་དྲི།། བདུན་དུ་ཡོངས་སུ་བཟླས་པ་ཡིས།། མངོན་པར་བོས་པ་དེ་ཡི་ཚེ།། འབྱུང
446a4 གནས་ངེས་པར་གཞལ་བ་རྣམས། ། ཇི་ལྟར་གཉིས་ཀར་གནས་དེ་བཞིན།། ཡམ་ཤིང་རྫས་དང་བསྲེས་པ་དང་།། མར་དང་སྦྲང་རྩི་ཡང་དག་ལྡན།། དེ་བཞིན་ཁོ་ནས་ཞོ་བསྲེས་པས།། བྱའོ་སྟོང་ངམ་འབུམ
446a5 ཚད་དམ། ། ཡང་ན་བརྒྱ་རྩ་བརྒྱད་རྟག་བྱ།། སྔགས་ནི་བླངས་ནས་དེ་བཞིན་དུ།། རིག་པ་ལན་ཅིག་བཟླས་པ་ཡིས།། མིག་དང་གཙུག་པུད་འབར་བ་ཡི།། འཕྲེང་བའི་མེ་ལ་མེ་ལྕེ་གཅིག། དེ་བཞིན་ཉིད་དུ
446a6 ཞི་བའི་ལས། ། སྦྱིན་སྲེག་ངེས་པར་བྱ་བ་ཡང་།། རྒྱས་པ་ཅན་ལ་དེ་དང་དབང་།། དྲག་པོའི་ལས་ནི་སྨད་པ་སྟེ།། རྒྱས་པས་སྤངས་སོ་སྦྱིན་སྲེག་ལས།། རབ་སྦྱོར་མེ་ནི་བསྔགས་པར་འགྱུར།། སྒྲ་ཅན་བརྒྱད
446a7 ཆུའི་སྟོབས་དང་ལྡན། ། རྒྱལ་བ་མཆོག་གིས་རབ་ཏུ་བསྔགས།། དེར་ནི་གསང་སྔགས་རྟག་སྒྲུབ་བྱེད།། དཀར་བའོ་མ་ལ་སྦྱིན་སྲེག་བྱ།། གལ་ཏེ་ཁ་དོག་དམར་དེ་བཞིན།། རྟག་ཏུ་རྒྱས་པའི་དངོས་གྲུབ
iiif viewer powered by OpenSeadragon
