| e-texts navigator |
| Wylie |
41b1 ཡི་གེ་མི་བདེ་བ་དང་། ཟོར་བ་ལྟ་བུའི་ནད་དང་། སྨན་ཅན་དང་། དམུ་ཆུ་ཅན་དང་། འབྲས་དང་། མེ་དཔལ་དང་། ལྷོག་པ་དང་། གག་པ་དང་། ཆུ་ཐིག་ཅན་དང་། གྲང་ལྷང་ལྷང་དང་། ཚ་ཙག་ཙག་ལ
41b2 སོགས་པའི་མཛེ་རིགས་ཅན་དང་། ཕོལ་མིག་དང་བཅས་དང་། ལྷ་དང་། བདུད་དང་། ཚངས་པ་དང་། གཤིན་རྗེ་དང་། བྲག་སྲིན་དང་། སེམས་འཁྲུག་གི་གདོན་དང་། ཟབ་གཞོབ་དང་། མཚོ
41b3 སྨན་དང་། ཀླུ་ལ་སོགས་པས་ཟིན་པ་དང་། གནོད་སྦྱིན་དང་། འབྱུང་པོ་དང་། ལོག་འདྲེན་དང་། ཤ་ཟའི་གདོན་རྣམས་ཀྱིས་ཟིན་པ་དང་། ནད་སྣ་ཚོགས་འབྱུང་སྟེ། དེའང་མི་དགེ་བ་ལས
41b4 སྡུག་བསྔལ་འབྱུང་བ་ཡིན་ནོ། ། བཅོམ་ལྡན་འདས་ཀྱིས་བཀའ་སྩལ་པ། བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་ཉོན་ཅིག། སྙིང་པོ་གཟུངས་ཀྱི་ཆོ་ག་འདི།། དང་པོ་ཐུགས་རྗེ་ཆེན་པོ
41b5 ལ། ། གུས་ཤིང་དད་པའི་སེམས་བསྐྱེད་ནས།། སྣུམ་པའི་ས་ལ་དཀྱིལ་འཁོར་བྱ།། ལྕི་ལ་དྲིར་བཅས་བྱུགས་ནས་ནི།། ཚོན་རྩི་ཁ་དོག་སྣ་ལྔ་ཡིས།། དཀྱིལ་འཁོར་པདྨ་ལྟ་བུར་བྲི།། བུམ་པ་གང་བ་ལྔ་དག་ཀྱང
41b6 ཕྱོགས་བཞི་དབུས་དང་ལྔ་རུ་གཞག། གང་བའི་གཏོར་མ་ལྔ་ཡང་བཤམས།། སེང་ལྡེང་ཕུར་བུ་ལྔ་ཡང་དགོད།། དར་གྱིས་དཀྲིས་པའི་མདའ་བཞི་དགོད།། ཚོན་སྐུད་ལྔ་ཡི་དྲ་བ་བྲེ།། འཕགས་པ་སྤྱན་རས
41b7 གཟིགས་དབང་ཕྱུག་སེང་གེ་སྒྲ་ལ་ཕྱག་འཚལ་ལོ། ། ཁྲོ་བོའི་རྒྱལ་པོ་རྟ་མགྲིན་ལ་ཕྱག་འཚལ་ལོ།། བཅོམ་ལྡན་འདས་མ་གོས་དཀར་མོ་ཕྱག་འཚལ་ལོ།། བཅོམ་ལྡན་འདས་མ་སྒྲོལ་མ་ཕྱག་འཚལ་ལོ།།
iiif viewer powered by OpenSeadragon
