| e-texts navigator |
| Wylie |
394b1 དབང་བསྐུར་བས་མངོན་པར་དབང་བསྐུར་བ། ། བླ་མ་ལ་ཡོན་ཕུལ་ནས་དཀྱིལ་འཁོར་གྱི་ནང་དུ་རིག་པ་བླངས་ཏེ་རས་རིས་ཀྱི་སྤྱན་སྔར་རམ། སྐུ་གཟུགས་ཀྱི་དྲུང་དུ་སླར་ཡང་སྒྲོལ་མ་གང་ཡང་རུང་བའི་རིག་པ་བླང་བར
394b2 བྱས་ནས། དཀར་པོའི་ཚེས་གཅིག་ནས་བརྩམས་ཏེ་འབུམ་བཟླས་པར་བྱའོ།། དུས་ཕྱིས་མཚན་མོ་གསུམ་དུ་སྦྱང་བར་གནས་པས་ཟླ་བ་ཉ་ལ་སྐུ་གཟུགས་སམ། རས་རིས་ཀྱི་སྤྱན་སྔར་མཆོད་པ་དང་གཏོར་མའི
394b3 ཆོ་ག་བྱས་ནས། འོ་མ་ཅན་གྱི་ཤིང་གིས་ལམ་ཤིང་གིས་མེ་སྦ་རན། སེང་ལྡེང་ངམ་ཨ་ཀ་རུ་ནག་པོའི་ཡམ་ཤིང་སོར་དྲུག་པའི་ཚད་ཀྱི་སྦྱིན་སྲེག་སྟོང་ཕྲག་བརྒྱད་བྱའོ།། ནམ་ལངས་ཁར་མཚན་མོ་མཆོད་པ་ཆེས་རྒྱ་ཆེན་པོ
394b4 དང་གཏོར་མའི་ཆོ་ག་ཇི་ལྟར་འབྱོར་པ་བྱས་ནས། སློང་མོའི་ཟས་ཟོས་ནས་དངོས་གྲུབ་སྩལ་བར་བྱའོ།། དེ་ནས་རིག་པ་འགྲུབ་པར་འགྱུར་རོ།། དེ་ནས་ལས་ཐམས་ཅད་བྱའོ།། ཡང་འདིར་མཆོག་ཏུ་གསང
394b5 བའི་སྒྲུབ་པའི་ཆོ་ག་གཞན་འབྱུང་སྟེ། བཅོམ་ལྡན་འདས་མའི་དཀྱིལ་འཁོར་ཆེན་པོ་མཐོང་ནས།། དཀྱིལ་འཁོར་དེ་ཉིད་དུ་དམ་ཚིག་དང་མེའི་བྱ་བ་གནས་པར་ཇི་སྐད་གསུངས་པའི་ཆོ་གས་རིག་པ་སྒྲུབ་པར་འདོད
394b6 པས་སྒྲུབ་ཐབས་ཀྱི་ཆོ་ག་རིག་པ་རྣམ་པར་གསང་བའི་ཇི་སྐད་གསུངས་པས་དཀྱིལ་འཁོར་གཞན་གསུམ་བྲི་སྟེ། ། བླ་མ་ལ་ཡོན་རབ་ཏུ་ཕུལ་ནས་དཀྱིལ་འཁོར་གྱི་དབུས་སུ་རིག་པ་བླངས་ནས་འོ་མ་ཅན་གྱི་ཤིང
394b7 གི་ཡམ་ཤིང་གིས་མེ་སྦར་ནས། དང་པོར་རེ་ཞིག་ཏུ་ཊིའི་ཚད་ཀྱི་གསེར་གྱི་ཕྱེ་མ་ལ་མར་གྱིས་བཏགས་པའི་སྦྱིན་སྲེག་བརྒྱད་བརྒྱ་བྱའོ།། དེ་ནས་ཨ་ཀ་རུ་ནག་པོའི་ཡམ་ཤིང་མཐོ་གང་ཙམ་གྱི་ཚད་དང་མར
iiif viewer powered by OpenSeadragon
