| e-texts navigator |
| Wylie |
393b1 སྤངས་པ་དང་། ཆོས་དང་ཆོས་སྨྲ་བ་པོ་ལ་མ་གུས་པ་ལ་མི་འཇུག་པའི་རབ་ཏུ་སྦྱོར་བས་རབ་ཏུ་སྦྱར་བར་བྱའོ།། རྟོག་པའི་རྒྱལ་པོ་འདིར་སྒྲུབ་པོ་ཐམས་ཅད་ཀྱིས་བསྲུང་བའི་དོན་དུ་ལྷག་མ་དང་ལྷག་མ་མད
393b2 པའང་རུ་ང་སྟེ། གཙང་སྦྲ་བྱས་པས་བསྲུང་བའི་དོན་དུ་རིག་པའི་རྒྱལ་པོ་སྔགས་སུ་འགྱུར་བ་ནི།། ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ཨོཾ་ཨ་མྲི་ཏ་ཨུད་བྷ
393b3 པབ་ཧཱུཾ་ཕཊ་སྭཱ་ཧཱ། འདི་ནི་རྟ་མགྲིན་ཞེས་བྱ་བའི་རིག་པའི་རྒྱལ་པོ་སྟེ། ཐལ་བ་ལ་ལན་བདུན་མངོན་པར་སྔགས་པས་བདག་ཉིད་བསྲུང་བ་དང་། གཡོག་བསྲུང་བ་ལ་མདུང་བའི་སྤྱོད་པ་བྱའོ།། རྟོག་པའི
393b4 རྒྱལ་པོ་འདིའང་རྒྱལ་ལམ། ཐ་སྐར་ཡང་རུང་སྟེ་དགེ་བའི་སྦྱོར་བ་ལ་མཆོད་པ་དང་། གཏོར་མའི་ཆོ་གས་མཆོད་པ་རྒྱ་ཆེན་པོ་བྱས་ནས་ཆོས་དང་ཆོས་ཡང་དག་པར་སྡུད་པ་པོ་ལའང་བསོད་སྙོམས་དང་། ཐེག་པ་ཆེན་པོ
393b5 པ་ལ་བཟའ་བ་གྱ་ནོམ་པ་དང་། ཁྱད་པར་དུ་ཡོན་དང་བཅས་པའོ།། དེ་ནས་འདི་རྫོགས་པར་བྱའོ།། དེ་བཞིན་དུ་བྱ་སྟེ་རྟོག་པའི་རྒྱལ་པོ་ཇི་ལྟ་བ་བཞིན་དུ་རྟོག་པའི་རྒྱལ་པོའི་རིག་པའི་གསང་སྔགས་བཀླག་པར་བྱསྟེ།
393b6 དེ་བཞིན་དུ་དམན་པར་མི་འགྱུར་རོ།། ཇི་ལྟར་མྱུར་དུ་དངོས་གྲུབ་ཉིད་ཀྱང་སྩོལ་བར་བྱེད་དོ།། བཅོམ་ལྡན་འདས་བྱང་ཆུབ་སེམས་དཔའ་ཆེན་པོས་འདི་སྐད་ཅེས་བཀའ་སྩལ་པ་དང་། ལྷ་དང་བཅས་པའི་འཇིག་རྟེན
393b7 བཅོམ་ལྡན་འདས་ཀྱིས་གསུངས་པ་ལ་མངོན་པར་དགའའོ། ། བྱང་ཆུབ་སེམས་དཔའི་སྡེ་སྣོད་པལ་པོ་ཆེ་ཤིན་ཏུ་རྒྱས་པ་ཆེན་པོ་ཉིད་ཀྱི་རྟོག་པའི་རྒྱལ་པོ་རལ་པ་གྱེན་དུ་བརྫེས་པ་ཞེས་བྱ་བ་བཅོམ་ལྡན་འདས་མང
iiif viewer powered by OpenSeadragon
