| e-texts navigator |
| Wylie |
393a1 ལས་འདི་བྱེད་དེ། ཕྱག་འཚལ་བའི་ཡི་གེ་སྤངས་ནས།། རིག་པ་འབའ་ཞིག་གི་སྭཱ་ཧཱའི་གནས་སུ་ཧཱུཾ་ཕཊ་སྦྱིན་པར་བྱའོ།། རྟོག་པ་གཞན་གྱི་ཚོགས་ཀྱང་འོ།། གང་འདོད་པ་དེ
393a2 དབང་དུ་བྱེད་པར་འགྱུར་རོ། ། ཡང་ན་ཉེ་བར་འཇོམས་པར་བྱེད་པར་འགྱུར་རོ།། མདོར་ན་གང་འདོད་པ་དེ་སྒྲུབ་པར་བྱེད་དོ།། དེ་ནས་སེམས་དཔའ་ཆེན་པོ་དེས་ཐམས་ཅད་དང་ལྡན་པའི་འཁོར་གྱི་དཀྱིལ་འཁོར
393a3 ལ་གཟིགས་ནས། ། བསམ་པ་རྣམ་པར་དག་པས་སེམས་དཔའ་ཆེན་པོ་རྣམས་ལ་སྨྲས་པ། གང་རྟོག་པའི་རྒྱལ་པོ་འདིར་སྒྲུབ་པར་འགྱུར་བ་དང་།། མཆོད་པར་འགྱུར་བ་དང་།། ཡི་གེར་འདྲི་བར་འགྱུར་བ་དེ
393a4 རྣམས་དོན་ཐམས་ཅད་ཀྱི་དངོས་གྲུབ་འབྱུང་བར་འགྱུར་རོ། ། སེམས་ཅན་ཐམས་ཅད་ལ་བྱམས་པའི་སེམས་དང་། སེམས་ཅན་ཐམས་ཅད་ལ་ཀུན་ནས་དགའ་བའང་འབྱུང་བར་འགྱུར་རོ།། སྲུང་བར་བྱེད
393a5 པར་འགྱུར་རོ། ། གང་དུ་རྟོག་པའི་རྒྱལ་པོ་འདིའང་འབྱུང་བར་འགྱུར་བ་མཆོད་རྟེན་དུ་འགྱུར་བ་དང་།། ས་ཕྱོགས་དེ་གང་ཉིད་ཀྱི་ལག་མཐིལ་དུ་ཕྱིན་པར་འགྱུར་རོ།། མཆོད་པ་འདི་ལྷ་དང་བཅས་པའི་འཇིག
393a6 རྟེན་ན་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལས་ཆོས་ཀྱི་རྣམ་གྲངས་འདི་ཐོབ་པ་དེས་ཐམས་ཅད་དུ་རྣལ་འབྱོར་དུ་བྱའོ།། སེམས་ཅན་ཐམས་ཅད་ཀྱི་སྟོབས་དང་སྟོབས་མེད་པ་ཤེས་ནས་རབ་ཏུ་གསལ
393a7 བར་བྱའོ། ། འདིའང་གཙང་མའི་ཕྱོགས་སུ་ཐམས་ཅད་ཀྱིས་རབ་ཏུ་སྤྱོད་པར་འགྱུར་གྱིས། གཞན་དུ་མ་ཡིན་ནོ།། གང་ཞིག་བྱེད་པ་དེ་མངོན་པར་འདོད་པ་མེད་པ་སེམས་ཅན་གྱི་བསམ་པ
iiif viewer powered by OpenSeadragon
