| e-texts navigator |
| Wylie |
390b1 བར་བྱེད། ། གདན་གྱི་ཕྱག་རྒྱའོ།། མཐེ་བོང་དག་གི་རྩེ་མོའི་ཆ།། བསྐུམས་ནས་ཐ་དད་གྱུར་གང་ཉིད།། ཁྲུས་བྱ་བདག་ཉིད་དོན་བཟང་སྤྲུག། ཁྲུས་ཀྱི་ཕྱག་རྒྱའོ།། སོར་མོའི་རྩ་བའི་ཉེ་ལོགས་སུ།།
390b2 གཡས་པའི་མཐེ་བོང་རྣམ་པར་དགོད།། སྨན་དང་སྲོག་ཆགས་ཡན་ལག་ནི།། ཡོངས་སུ་སྤངས་ཏེ་དྲི་དག་དབུལ།། དྲིའི་ཕྱག་རྒྱའོ།། དེ་བཞིན་གཡོན་པའི་མཐེ་བོང་ཡང་།། མཉམ་པར་བཞག་པས
390b3 རྣམ་པར་དགོད། ། ལྷ་ཡི་ནི་མཆོག་དང་ལྡན་པའི།། མེ་ཏོག་སྣ་ཚོགས་དབུལ་བར་བྱ།། མེ་ཏོག་གི་ཕྱག་རྒྱའོ།། སྡིགས་མཛུབ་གཡས་པའི་རྩེ་མོ་ནི།། བསྐུམ་སྟེ་གུང་མོར་གནས་པར་འགྱུར།།
390b4 གང་གི་མཐེ་བོང་ཅན་གྱིས་ནི།། དེ་ཡིས་འདུག་སྤོས་དབུལ་བར་བྱ།། བདུག་སྤོས་ཀྱི་ཕྱག་རྒྱའོ།། གཡོན་པའི་མཐེ་བོང་སྡིགས་མཛུབ་ནི།། གུང་མོར་གང་གིས་གནས་པར་བྱ།། གཙང་ཞིང་དག་པར་ཡང
390b5 དག་ལྡན། ། དེ་ཉིད་གཏོར་མའི་མཆོད་པར་བྱ།། གཏོར་མའི་ཕྱག་རྒྱའོ།། སྡིག་མཛུབ་རྩེ་མོར་མཐེ་བོང་གཉིས།། རྣམ་པར་བཀོད་པ་བྱས་ནས་ནི།། བ་ཡི་མར་ནི་ཕུལ་བྱུང་བས།། སྒྲོན་མ་དབུལ
390b6 བར་བྱ་བའོ། ། མར་མེའི་ཕྱག་རྒྱའོ།། གུང་མོའི་རྩེ་མོར་མཛུབ་མོ་ནི།། ཕྱི་ཡི་རྩེ་མོའི་ཚོགས་སུ་སྦྱར།། མཐེ་བོང་དང་ནི་མིང་མེད་དག། བགྲང་འཕྲེང་སྲད་བུ་ཡོངས་སུ་འཛིན།། འཕྲེང
390b7 བ་འཛིན་པའི་ཕྱག་རྒྱའོ། ། རྟག་ཏུ་མེ་རུ་མངོན་ཕྱོགས་པས།། ལག་པ་གཡས་པའི་མིང་མེད་ནི།། གུང་མོའི་ཚིགས་སུ་བྱས་པར་གྱུར།། ལག་གཉིས་སྦྱར་བའི་གུང་མོ་ལ།། མཐེ་བོང
iiif viewer powered by OpenSeadragon
