| e-texts navigator |
| Wylie |
387b1 བོ་དང་། ཀུན་ཏུ་རི་བོ་དང་།། འཇིག་རྟེན་གསུམ་ལས་རྣམ་པར་རྒྱལ་བའི་རྒྱུད་དེ། རྟོག་པ་ཆེན་པོ་ཐམས་ཅད་ཀྱི་སྤྱོད་པའི་ཆོ་ག་རྣམས་སུ་མཉམ་པ་ཉིད་དུ་འགྲོ་བར་བྱེད་དོ།། དེ་བཞིན་ཁོ་ནར་བདག་གིས་བརྗོད
387b2 པ་དེ་དང་། ། སངས་རྒྱས་མཐའ་ཡས་པས་གསུངས་པའི་རྟོག་པའི་རྒྱལ་པོ་བདེ་བླག་ཏུ་བསྒྲུབ་པར་བྱ་སྟེ། མཐའ་ཡས་པའི་བྱང་ཆུབ་ཀྱི་ཕ་རོལ་ཏུ་འགྲོའོ།། བྱང་ཆུབ་སེམས་དཔའི་སྡེ་སྣོད་བཅོམ་ལྡན་འདས
387b3 མ་འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པར། ཐམས་ཅད་ཐུན་མོང་བའི་ཆོ་གའི་རིག་པའི་ལེའུ་རབ་འབྱམ་རྫོགས་སོ།། ། ཕྱག་རྒྱའི་ལེའུ་བྲི་བར་བྱའོ།། དེ་ནས
387b4 སེམས་དཔའ་ཆེན་པོ་ཕྱག་རྒྱ་ཡང་དག་པར་མགུ་བར་བྱེད་པའི་ཏིང་ངེ་འཛིན་ལ་སྙོམས་པར་ཞུགས་ནས། ། དཀྱིལ་འཁོར་ཐམས་ཅད་ཀྱི་ཆོ་ག་ཐུན་མོང་བ། རྒྱུད་ཐམས་ཅད་ཀྱི་ནང་དུ་གཏོགས་པ།། ཕྱག་རྒྱའི་རི
387b5 མོའི་ཆོ་ག། རབ་ཏུ་འཛུམ་པའི་བཞིན་དུ་གྱུར་པས་དེའི་འོག་ཏུ་ཕྱག་རྒྱའི་མཚན་ཉིད་གསུངས་པར་གྱུར་ཏོ།། བཅིང་བ་རྣམས་ཀྱི་མཚན་ཉིད་ནི།། ཤེས་ནས་རབ་ཏུ་གཞག་པའོ།། དེ་བཞིན་གཤེགས་པ་ཐམས
387b6 ཅད་ཀྱི། ། རིགས་ཀྱི་ཕྱག་རྒྱ་ཆ་གསུམ་རྣམས།། ཉི་མའི་དཀྱིལ་འཁོར་ཀུན་ནས་འབར།། གཙུག་ཏོར་ཕྱག་རྒྱ་རྫོགས་པ་ཡི། ཉི་མའི་དཀྱིལ་འཁོར་འཆར་བ་ནི།། འཁོར་ལོས་སྒྱུར་བའི་ཕྱག་རྒྱའོ།། གཙུག
387b7 ཏོར་དེ་ཉིད་ཅུང་བར་བཏེག། གཙུག་ཏོར་སྟེང་འགྲོའི་ཕྱག་རྒྱའོ།། ཀུན་ཏུ་དཀར་བ་གདུགས་དཀར་ཅན།། འཁོར་ལོ་འབར་བ་རྣམ་པར་འཕྲོ།། གཟི་བརྗིད་ཕུང་པོ་རྡོ་རྗེ་སྙིང་།། གཞན་གྱིས་མི་ཐུབ
iiif viewer powered by OpenSeadragon
