| e-texts navigator |
| Wylie |
383b1 འཆང་བ་པདྨའི་འཕྲེང་བས་རྣམ་པར་བརྒྱན་པའི་ལུས། ། རིག་པ་འཛིན་པ་ཐམས་ཅད་ཀྱི་མཐར་ཐུག་པར་ཡང་རབ་ཏུ་སྨོན་པར་འགྲོའོ།། འཁོར་དང་བཅས་པ་ལོ་སྟོང་ཕྲག་ལྔར་འཚོ་བར་བྱེད་དོ།། རླུང་ལྷ
383b2 འགྲོ་ཞིང་ཡིད་ལྟར་མགྱོགས་པར་འགྲོ་བའི་རིག་པ་འཛིན་པར་འགྱུར་རོ། ། པདྨ་དང་ཨུཏྤ་ལ་སྟོང་ཕྲག་བརྒྱའི་སྦྱིན་སྲེག་གིས་གསེར་སྟོང་རྙེད་དོ།། པ་ལ་ཤའི་ལས་ནི་འདི་ཁོ་ནའོ།། ཡང་འདིར
383b3 ལས་ཆེན་པོའི་སྒྲུབ་ཐབས་སུ་འགྱུར་བ་ནི་རྒྱལ་བའི་ཞབས་དྲུང་ངམ། རས་རིས་ཀྱི་སྤྱན་སྔར་རམ།། རྟོག་པ་གཞན་ལས་གསུངས་པའི་ཆོ་གས་ཀྱང་རུང་སྟེ།། རིག་པ་འདི་རྣམས་ཀྱི་མིང་གསུམ་བརྗོད
383b4 པའི་རས་རིས་ཀྱི་གོ་ག་དེའམ། རིང་བསྲེལ་དང་བཅས་པའི་མཆོད་རྟེན་གྱི་དྲུང་དུ་ཕྱོགས་གཙང་མར་འོ་མ་དང་ནས་ཟན་ཟ་བས་དཀར་པོའི་ཚེས་གཅིག་ནས་བརྩམས་ཏེ་མེ་ཏོག་དང་། འབྲས་བུ་དང་། ཙ་རུ
383b5 དང་རྩ་བ་དང་། ། ཞོའི་བཟའ་བ་འམ། ཆུ་དང་། ཕྱེ་དང་། ཟན་དང་། དྲིའི་བཟའ་བ་འམ། ཝ་ཀྲའི་བཟའ་བ་འམ། མར་གྱི་བཟའ་བས་ཀྱང་རུང་སྟེ། ཡང་ན་མི་སྨྲ་བའི་བརྟུལ་ཞུགས་སྤྱད་པར་བྱའོ།།
383b6 ཐོག་མར་སྔོན་དུ་བསྙེན་པ་བྱའོ།། ཡན་ལག་བརྒྱད་པའི་གསོ་སྦྱོང་དང་ཡང་དག་པར་ལྡན་པས་ཉི་མ་སོ་སོར་མངོན་པར་བརྗོད་བཞིན་པའི་མཆོད་པ་བྱའོ།། གསུང་རབ་ཇི་ལྟ་བ་བཞིན་དུ་སློང་མོའི་ཟས་བ#
383b7 བར་བྱའོ། ། བྱང་ཆུབ་ཀྱི་སེམས་ཡོངས་སུ་གཟུང་ཞིང་སྡུག་བསྔལ་གྱིས་གདུངས་པས་བཟའ་བར་བྱའོ།། སྒྲུབ་པ་པོས་དུས་གསུམ་དུ་ཁྲུས་བྱས་པའི་འོག་ཏུ་ཤིས་པའི་ཀུ་ཤའི་ཁྲེས་ལ་འདུག
iiif viewer powered by OpenSeadragon
