| e-texts navigator |
| Wylie |
323a1 འདིས་དྲི་དང་། མེ་ཏོག་དང་། གཏོར་མ་དང་། བདུག་པ་ལ་ཉི་མ་སོ་སོར་མངོན་པར་བསྔགས་ནས་མཆོད་པར་བྱའོ།། འདི་སྐད་ཅེས་བརྗོད་པར་བྱ་ཞིང་། བདག་ལ་བགེགས་ཐམ
323a2 ཅད་མི་གཡོ་བར་གྱུར་ཅིག། དེ་ཡང་བདག་ལ་བགེགས་གྱིས་ཤིག། དེ་ལྟ་བུས་སྒྲུབ་པ་པོ་ལ་བགེགས་མེད་པར་འགྱུར་རོ།། སྒྲུབ་པ་པོ་གང་ཅུང་ཟད་སྒྲུབ་པ་རྩོམ་པ་ན་བགེགས་མེད་པར་འགྱུར་རོ།།
323a3 རྣམ་པ་གཞན་དུ་རྣམ་པར་འཇོམས་པར་བྱེད་དོ།། ཞེས་པ་སྒྲུབ་པའི་ཐབས་ཀྱི་ཆོ་གའི་རིག་པ་འདི་རྣམས་རྟོག་པའི་རྒྱལ་པོ་བཀླགས་པས་གྲུབ་པ་འདིར་ཇི་ལྟ་ཇི་ལྟར་རབ་ཏུ་སྦྱར་བ་དེ་ལྟ་དེ་ལྟར་སྒྲུབ་པ
323a4 ། པོའི་ལས་ཐམས་ཅད་འགྲུབ་པར་བྱེད་དོ།། ཞེས་པ་དེ་བཞིན་དུ་གཏོགས་པར་བྱའོ།། བཅོམ་ལྡན་འདས་མ་འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པར།། སྒྲུབ་ཐབས་ཀྱི་ཆོ་གའི
323a5 རིམ་པའི་ལེའུ་ཡོངས་སུ་རྫོགས་སོ། ། །། དེ་ནས་ཡང་སེམས་དཔའ་ཆེན་པོས་སེམས་ཅན་ཐམས་ཅད་དང་ལྡན་པའི་འཁོར་གྱི་དཀྱིལ་འཁོར་ལ་གཟིགས་ནས་སེམས་ཅན་ཐམས
323a6 ཅད་ཀུན་ཏུ་སྣང་བར་གྱུར་པས། རིག་པ་ཐམས་ཅད་བསྐུལ་བའི་ཏིང་ངེ་འཛིན་ལ་སྙོམས་པར་ཞུགས་ནས་སེམས་དཔའ་ཆེན་པོའི་སྒྲུབ་ཐབས་ཀྱི་རིག་པ་གསུངས་སོ།། ན་མོ་རཏྣ་ཏྲ་ཡཱ་ཡ། ན་མོ་ཨཱཿ
323a7 ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ཏཱ་རེ་སྭཱཧཱ། རིག་པ་འདིས་རིའི་རྩེ་མོར་སློང་མོ་ཐབས་མཆོད་རྟེན་དང་། ཁྱིམ་དུ་ཐུན་གསུམ་དུ་རིག་པ་སྟོང་ཕྲག་བརྒྱད་བཟླས་པར་བྱའོ།། མི་སྨྲ་བས
iiif viewer powered by OpenSeadragon
