| e-texts navigator |
| Wylie |
319a1 མུཀྟེ། བི་ཀུར་བི་ཏེ། པྲ་བྷཱ་སཱ་རེ་ཨཱ་ལོ་ཀི་ཏཾ།། བི་ལཱ་ཀ་ལ། སརྦ་སཏྭ། ཨ་བ་ལོ་ཀི་ན་སྭཱཧཱ། རིག་པ་འདིས་ལས་འདི་རྣམས་སུ་འགྱུར་ཏེ། བསྙེན་པའི་དུས་དང་སྒྲུབ་པའི་དུས
319a2 སུའང་དང་པོ་ཉིད་དུ་བདག་ཉིད་བསྲུང་བར་བྱའོ། ། བསླབ་པས་བཅིང་བའི་གྲོགས་རྣམས་ཀྱང་ལན་བདུན་ནམ་ལན་གསུམ་བཟླས་པའི་ཆུ་སྤྱི་བོར་བླུགས་པས་ཐམས་ཅད་དུ་བསྲུང་བ་བྱས་པར་འགྱུར་རོ།།
319a3 དྲི་དང་། མེ་ཏོག་དང་། བདུག་པ་དང་། བསྔགས་པ་ལ་སོགས་པའང་འདི་ཉིད་ཀྱིས་བྱའོ།། རས་རིས་བླངས་ཏེ་ལྷ་རྣམས་དང་རས་རིས་ལ་ཀུན་ཏུ་སྲུང་བ་དང་། རས་རིས་ཀྱི་གནས་སུ་ཚོན་གཞན་དང་མ་འདྲེས་པ་དང་།
319a4 སྤྱན་དྲངས་པའི་ལྷ་རྣམས་ལ་མཆོད་ཡོན་དབུལ་བ་དང་།། ཡང་དག་པར་གནས་པ་དང་། བདག་ཉིད་དང་གྲོགས་བྱེད་པ་རྣམས་ཀྱང་འདི་ཉིད་ཀྱིས་ཁུ་བ་བཅིང་བར་བྱའོ།། ཁུ་བ་བཅིངས་པས་ལོག་འདྲེན་ཐམས་ཅད
319a5 འཇོམས་པ་དང་གནས་ཀུན་ཏུ་སྲུང་བའོ། ། འདི་ཉིད་ཀྱིས་ཚ་བའི་ཏིལ་མར་གྱིས་བཏགས་པའི་ཡུངས་ཀར་དཀར་པོའི་སྦྱིན་སྲེག་སྟོང་ཕྲག་བརྒྱད་བྱའོ།། བདག་ཉིད་དང་གྲོགས་བྱེད་པ་རྣམས་ཀྱང་རུང་སྟེ། ལན
319a6 ཉི་ཤུ་རྩ་གཅིག་ཏུ་ཕྱོགས་གང་དུ་སྔོན་དུ་བསྙེན་པ་དང་། སྒྲུབ་པ་དང་། ཞི་བ་ཅན་དང་། རྒྱས་པ་ཅན་དང་། མངོན་སྤྱོད་ཅན་ཅི་ཡིན་པ་དེ་ཉིད་དུ་གདོན་མི་ཟ་བར་བྱའོ།། ཡང་ན་གཞན་དུ་ཐང་གི་ཕྱོགས་སམ། སའི
319a7 གནས་བཅོམ་ལྡན་འདས་བསྒྲུབ་པར་བྱ་བ་འམ། ། གཞན་ལས་བྱ་བ་དེར་བྱི་དོར་དང་པོར་བྱའོ།། རྣམ་པ་འདིས་གཏོར་མ་སྦྱོང་བ་དང་། བདག་ཉིད་སྲུང་བ་དང་།། གཞན་སྲུང་བ་དང་། ཆུ་བླུགས་པ་དང་།།
iiif viewer powered by OpenSeadragon
