| e-texts navigator |
| Wylie |
317b1 རང་གི་ཁྱིམ་བཞིན་དུ་རྣམ་པར་རྒྱུ་བར་བྱེད་དོ། ། ཀླུའི་གནས་སུ་སོང་ནས་འོ་ཐུག་གིས་ལྷུང་བཟེད་བཀང་ནས། ཇི་སྲིད་ཀླུ་མགོ་བོ་བདུན་པ་འོང་བར་བྱེད་པ་དེ་སྲིད་དུ་རིག་པ་བཟླས་པར་བྱའོ།། རིན་པོ་ཆེ་རྣམས
317b2 ཀྱང་སྦྱིན་པར་བྱེད་དོ། ། ས་ལ་རྒྱལ་པོའི་གཏེར་འདོན་པ་འམ་འཆིང་བར་བྱེད་དོ།། དེ་ནས་གཅིག་ཏུ་ཡང་དག་པར་བླང་བར་བྱ་སྟེ།། མ་བླངས་ན་ཀླུའི་འཆིང་བ་ལྔ་འོང་བར་བྱེད་དོ།། སྔགས་འདི་ཉིད་ཀྱིས་སྟོང་ཕྲག
317b3 ཉི་ཤུ་རྩ་གཅིག་ཏུ་ཆུ་ཀླུང་གི་འགྲམ་དུ་བཟླས་པ་དབུལ་བར་བྱའོ། ། དེ་ནས་ཨུཏྤལ་སྟོང་ཕྲག་ཉི་ཤུ་རྩ་གཅིག་ཆུ་ལ་དབུལ་བར་བྱའོ།། རྒྱུན་འབབ་པའི་ཆུ་ཀླུང་ཆེན་པོའི་མེ་ཏོག་རྣམས་གཡས་སུ་འཁོར་བར་བྱེད་ན།
317b4 རིག་པ་འཛིན་པས་གྲུབ་བོ་ཞེས་ཤེས་པར་བྱའོ།། དེ་ནས་ཆུའི་ནང་དུ་འོང་བ་དང་འགྲོ་བར་བྱེད་དོ།། རིང་བསྲེལ་དང་བཅས་པའི་མཆོད་རྟེན་ནམ། བྱང་ཆུབ་ཀྱི་ཤིང་དྲུང་དུ་བྱེ་བ་བཟླས་པར་བྱའོ།། ཚུལ་ཁྲིམས
317b5 དང་ལྡན་པ་སྤོབས་པ་ཕུན་སུམ་ཚོགས་པའི་རྒྱལ་པོར་འགྱུར་ཏེ། འཛམ་བུའི་གླིང་གི་དབང་ཕྱུག། རིག་པ་འཛིན་པའི་འཁོར་ལོས་སྒྱུར་བ།། རྫུ་འཕྲུལ་ཆེན་པོ་དང་མཐུ་ཆེན་པོ་ཅན། ཇི་སྲིད་དུ་སྒྲུབ་པ་གཉིས
317b6 པའོ་ཞེས་པ་སྒྲུབ་པ་གཉིས་པ་ལ་སངས་རྒྱས་བཅོམ་ལྡན་འདས་ཀྱི་ཞལ་གྱི་སྒོ་ནས་པདྨ་འབྱུང་སྟེ། འདབ་མ་དགའ་བ་དང་བཅས་པ་དྲི་ཡིད་དུ་འོང་བའི་པདྨ་དེ་བླངས་པས་ཟས་སུ་དགའ་བ་ཟ་བའི་ལང་ཚེ་དང་ལྡན
317b7 ལ། སྒྲ་ལི་ཞིང་འཁྱིལ་བ། ལོ་བརྒྱད་གཉིས་ལོན་པ་རྣམ་པ། ལྷ་གཞོན་ནུ་རྣམས་ལས་ལྷགས་པའི་གཟི་བརྗིད་དང་། བདེ་བ་དང་།། ཡིད་བདེ་བ་མང་བར་འགྱུར་རོ།། ལོ་བྱེ་བ་བརྒྱ་སྟོང་ཕྲག་ཏུ་འཚོ་ཞིང་འཕུར་བར
iiif viewer powered by OpenSeadragon
