| e-texts navigator |
| Wylie |
316b1 འཕྲེང་བ་འཆང་བའོ། ། དེ་ནས་དཀར་པོའི་བརྒྱད་ནས་བརྩམས་ནས་རིང་བསྲེལ་དང་བའི་མཆོད་རྟེན་དང་། རས་རིས་ལ་པདྨ་དཀར་པོའི་སྦྱིན་སྲེག་བྱ་ཞིང་འབུམ་ཕྲག་བཅུ་གཉིས་བཟླས་པར་བྱའོ།། ཆོ་ག་གཞན་ནི
316b2 རིག་པ་འཛིན་པས་སྒྲུབ་པ་བྱེད་པར་འདོད་པས། ། ལོག་འདྲེན་རྣམ་པར་འཇོམས་པའི་ཆོ་གའི་རྒྱལ་པོ་ནི་ཡུངས་ཀར་ལ་ཚ་བའི་ཏིལ་མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱད་བྱ་སྟེ། དཔག་ཚད་སྟོང་དུ
316b3 འབྲོས་པར་བྱེད་དོ། ། དེ་ནས་རིག་པ་བསྒྲུབ་པར་བྱའོ།། རྣམ་པ་གཞན་དུ་འཇོམས་པར་བྱེད་དོ།། ཕ་རོལ་གྱི་རིག་པ་བཅིང་བར་འདོད་ན་མིང་ནས་སྨོས་ཏེ་རས་ཀྱི་ཁ་ཚར་ལ་བརྒྱད་བརྒྱར་མངོན་པར་བསྔགས་ནས་མདུད
316b4 པབ་བཅིང་བར་བྱའོ། ། གལ་ཏེ་སངས་རྒྱས་བཅོམ་ལྡན་འདས་རང་བྱུང་དུ་བྱོན་ཡང་། དེས་ཀྱང་ཇི་སྲིད་རིག་པ་འཛིན་པས་བཀྲོལ་གྱི་བར་དུ་དགྲོལ་བར་མི་ནུས་སོ།། ཞི་བར་འདོད་པ་སྣ་མའི་མེ་ཏོག་སྟོང་ཕྲག
316b5 བརྒྱད་དབུལ་བར་བྱ་སྟེ། ཞི་བར་འགྱུར་རོ།། སློང་མོ་ཟ་བས་བྱེ་བ་ཡོངས་སུ་བཟླས་པར་བྱ་སྟེ། མངོན་སུམ་དུ་བཅོམ་ལྡན་འདས་འོད་དཔག་མེ་པདྨའི་གདན་ལ་བཞུགས་པ་མཐོང་བར་འགྱུར་རོ།། རིག་པ
316b6 འདིས་སྟོང་ཕྲག་བཅུར་བཟླས་པས་གཞན་ནད་ཀྱིས་བཏབ་པ་རབ་ཏུ་འཇོམས་པར་བྱེད་དོ། ། སློང་མོ་ཟ་ཞིང་བྱེ་བ་ཡོངས་སུ་བཟླས་ན་བཅོམ་ལྡན་འདས་མཐོང་སྟེ་མཆོག་གསུམ་སྩོལ་བར་མཛད་དོ།། སེམས་ཅན
316b7 ཐམས་ཅད་དབང་དུ་བྱེད་པ་དང་། མི་སྣང་བ་དང་། ལྷ་མ་ཡིན་གྱི་ཁྱིམ་དུ་འཇུག་པའོ།། རིའི་རྩེ་མོར་འཛེགས་ནས་བྱེ་བ་ཡོངས་སུ་བཟླས་ན་ལྷ་ཐམས་ཅད་དབང་དུ་གྱུར་ཞིང་རྟག་ཏུ་ཡང་མཐོང་བསྩོལ་བར་བྱེད།
iiif viewer powered by OpenSeadragon
