| e-texts navigator |
| Wylie |
316a1 བཞི་བྱའོ། ། འཕགས་པ་སྤྱན་རས་གཟིགས་དབང་ཕྱུག་ལས་འོད་ཟེར་འབྱུང་སྟེ། ས་གཡོ་བར་འགྱུར་ཞིང་རྔ་བོ་ཆེའི་སྒྲ་སྒྲོགས་པར་བྱེད་པ་དང་། མར་མེའི་རྩེ་མོ་འཕེལ
316a2 བ་དང་། མེ་ཏོག་གི་ཆུན་པོ་གཡོ་བ་དང་། རས་རིས་འགུལ་བར་བྱེད་དེ། དེ་ནས་གྲུབ་པར་འགྱུར་རོ།། དེ་ནས་ལས་རྣམས་དགེ་བར་འགྱུར་རོ།། ནོར་སྦྱིན་པར་བྱེད་དོ།། དངོས་གྲུབ་ཐམས་ཅད་ཀྱིས་དག
316a3 བར་འགྱུར་རོ། ། དབང་དུ་གྱུར་ནས་གནས་སོ།། དེ་ནས་མིག་སྨན་སྒྲུབ་པར་འདོད་ན་རྣམ་པའི་མིག་སྨན་ཨ་ཤྭཏྠའི་འདབ་མའི་ནང་དུ་གཏུམ་པར་བྱས་ནས། ཇི་སྲིད་དངོས་གྲུབ་རྣམ་པ་གསུམ་དུ་གྱུར་པ
316a4 དེ་སྲིད་དུ་བཟླས་པར་བྱའོ། ། ཙན་དན་དམར་པོ་ལས་བྱུང་བའི་སོར་བཅུ་དྲུག་པའམ། སོར་བཅུ་པའི་དབྱུག་པའི་ཤིང་བྱེད་དུ་གཞུག་གོ། འཕགས་པ་སྤྱན་རས་གཟིགས་དབང་ཕྱུག་གི་དྲུང་དུ་ཇི་སྲིད
316a5 དངོས་གྲུབ་རྣམ་པ་གསུམ་དུ་གྱུར་གྱི་བར་དུ་འབུམ་ཕྲག་གསུམ་བཟླས་པར་བྱའོ། ། གང་བྱེད་པ་དེ་ཐམས་ཅད་དེ་བྱེད་དུ་གཞུག་པར་བྱའོ།། ཆོས་འཕྲུལ་གྱི་ཕྱོགས་ནས་བརྩམས་ནས་གསོ་སྦྱོང་ཅན་གྱིས
316a6 ། དུས་གསུམ་དུ་ཁྲུས་བྱ་ཞིང་། གོས་ལན་གསུམ་དུ་བརྗེས་ལ་འབུམ་བཟླས་པར་བྱའོ།། མ་ཉམས་པའི་རས་ལ་ལྷ་འདྲིར་གཞུག་པར་བྱ་སྟེ། སྟོན་ཀའི་སྤྲིན་ལྟར་དཀར་བ། ཕྱག་ན་པདྨ་བསྣམས་པ། རྒྱན
316a7 ཐམས་ཅད་ཀྱིས་རྣམ་པར་བརྒྱན་པ། རིང་བསྲེལ་དང་བཅས་པའི་མཆོད་རྟེན་དུ་དབུགས་རྔུབ་བཞིན་པས་ལག་པ་གཉིས་སུ་ཛཱི་བས་བཀང་ལ་རལ་པའི་ཅོད་པན་འཛིན་ཅིང་།། མཆོད་ཕྱིར་ཐོགས་དཀར་པོ་ཅན།། པདྨའི
iiif viewer powered by OpenSeadragon
