| e-texts navigator |
| Wylie |
314b1 རིག་པ་འཛིན་པས་རྒྱལ་པོ་འམ།། རྒྱལ་པོའི་བློན་པོ་དབང་དུ་བྱེད་ན་ཨ་པཱ་མརྒའི་ཡམ་ཤིང་ལ་མར་དང་སྦྲང་རྩིས་བཏགས་པའི་སྦྱིན་སྲེག་སྟོང་ཕྲག་བརྒྱད་བྱས་ན་རྒྱལ་པོ་དབང་དུ་འགྱུར་རོ།། བུད་མེད
314b2 དང་སྐྱེས་པ་དབང་དུ་བྱེད་པ་ལ་ཐུན་གསུམ་དུ་གུ་གུལ་གྱི་རིལ་བུའི་སྦྱིན་སྲེག་སྟོང་ཕྲག་བརྒྱད་བྱ་སྟེ་དབང་དུ་འགྱུར་རོ། ། ཨ་ཀ་རུའི་རོལ་བུས་སྟོང་ཕྲག་བརྒྱད་སྦྱིན་སྲེག་བྱ་སྟེ། སྐྱེ་བོ་ཐམས་ཅད་དགའ
314b3 བར་འགྱུར་རོ། ། རྒྱལ་པོའི་ཁབ་ཏུའང་སྨྲ་བའི་མཆོག་ཏུ་འགྱུར་རོ།། ཤུ་དག་ཁར་བཅུག་ནས་ཇི་སྲིད་དངོས་གྲུབ་རྣམ་པ་གསུམ་དུ་གྱུར་གྱི་བར་དུ་བཟླས་པར་བྱའོ།། དྲོ་བཞིན་པས་ནི་ཡིད་གཞུངས
314b4 ཤིང་དཔའ་བར་བྱེད་དོ། ། དུ་བ་འཐུལ་བས་ནི་མི་སྣང་བ་དང་འབར་བར་བྱེད་དོ།། རིག་པ་འཛིན་པས་འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔར་འབུམ་ཕྲག་བཅུ་དྲུག་བཟླས
314b5 པར་བྱའོ། ། སློང་མོ་ཟ་ཞིང་དུས་གསུམ་དུ་ཁྲུས་བྱས་ནས་དཔའ་བོའི་སྟན་ལ་ཉེ་བར་འདུག་སྟེ་འབུམ་ཕྲག་ལྔ་བཟླས་པར་བྱའོ།། དེ་ནས་ཡིད་ཀྱིས་འདོད་པའི་དངོས་གྲུབ་འབྱུང་སྟེ། ལྷ་རྣམས
314b6 ཀྱིས་ལྷན་ཅིག་གནས་ཤིང་གང་འདོད་པ་དེ་རྙེད་དོ། ། དེ་ནས་ཟ་མ་ཏོག་དཀར་པོ་ཡི་གེས་དཀྲིས་པར་ལྡོང་རོས་བཅུག་ནས། ཇི་སྲིད་དངོས་གྲུབ་རྣམ་པ་གསུམ་དུ་གྱུར་པ་དེ་སྲིད་དུ་བཟླས་པར་བྱའོ།།
314b7 དྲོ་བཞིན་པ་ལ་ཡིད་གཞུངས་པར་འགྱུར་རོ།། དུ་བ་འཐུལ་བཞིན་པ་ལ་མི་སྣང་བ་དང་འབར་བར་འགྱུར་རོ།། རིག་པ་འཛིན་པས་འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔར་འབུམ་ཕྲག
iiif viewer powered by OpenSeadragon
