| e-texts navigator |
| Wylie |
311a1 སྟོང་ཕྲག་དཅུ་བྱའོ། ། དེ་ནས་སྦྱིན་སྲེག་ཡོངས་སུ་རྫོགས་པ་ནས་ཐལ་བ་ལ་ཡོངས་སུ་བཟླས་ནས་གཏོར་བར་བྱའོ།། གསུམ་པོ་འདིར་འགྱུར་ཏེ་དོགས་པ་མེད་པར་རབ་ཏུ
311a2 འཇུག་པར་བྱ་ཞིང་། ། ལྷ་མ་ཡིན་གྱི་བུ་མོ་དེས་མཐོང་ནས་དབང་དུ་འགྱུར་རོ།། དེས་སྒྲུབ་པའི་རྫས་དེ་བླང་བར་བྱ་སྟེ། གང་འདོད་པ་དེ་རིག་པས་མངོན་པར་བསྔགས་ནས་བླང་བར་བྱའོ།། འཁོར་ལོ
311a3 སེམས་ཅན་ཐམས་ཅད་དང་རིག་པ་འཛིན་པ་ཐམས་ཅད་ཀྱི་འཁོར་ལོས་སྒྱུར་བར་འགྱུར་རོ། ། ཉི་མ་དང་། ཟླ་བ་དང་། སྐར་མ་གནས་ཀྱི་བར་དུ་འགྱུར་རོ།། དེ་བཞིན་དུ་ལྡོང་རོས་དང་། བེ་ད་དང་། དགྲ
311a4 སྟ་དང་། པཿཀ་དང་། ཤཀྟི་སྟེ་མདུང་ཐུང་དང་། རལ་གྲི་དང་། རལ་གྲིའི་ཡུ་བ་དང་། མཆིལ་ལྷམ་དང་། གྲི་དང་། སྲད་བུ་དང་། མཆོད་ཕྱིར་ཐོགས་དང་། དགྲང་འཕྲེང་དང་། ཆོས་ཀྱི་ཕྱག་རྒྱ་ལ་སོགས
311a5 པ་རྣམས་ཀྱིས་ཟླ་བ་ཉི་མ་དང་། སྐར་མའི་བར་དུ་འཚོ་བར་བྱེད་དོ།། བཅོམ་ལྡན་འདས་མ་དང་། དེ་བཞིན་གཤེགས་པ་དང་། ས་བཅུ་ལ་གནས་པའི་བྱང་ཆུབ་སེམས་དཔའ་དང་། བཅོམ་ལྡན་འདས་ཀྱི
311a6 ཉན་ཐོས་ཀྱི་དགེ་འདུན་རྣམས་སུ་ལའང་ཕྱུག་འཚལ་བར་མི་བྱེད་པ་མ་གཏོགས་ལྷའི་འཁོར་ལོས་སྒྱུར་བར་འགྱུར་རོ། ། དེ་ནས་རྣམ་པ་གཞན་ནི་བཅོམ་ལྡན་འདས་མའི་སྔགས་འདི་རྣམས་ཐམས་ཅད
311a7 བགགས་པར་བྱེད་པ་ནི་གྲངས་ཀར་གྱིས་སོ། ། དེ་ནས་ལྷ་མ་ཡིན་གྱི་དབང་པོ་ཐག་པ་རངས་རིས་ཀྱིས་དམ་པ་མཆོག་ཏུ་གསང་བ་གསུངས་པ།། ལྷ་མ་ཡིན་གྱི་བྲ་གའི་སྒོར་སོང་ནས་འོ་མདང་ནས་ངན་པ
iiif viewer powered by OpenSeadragon
