| e-texts navigator |
| Wylie |
310b1 ཀར་ཨ་པཱ་མརྒའི་ཡམ་ཤིང་ཁྲག་གིས་བཏགས་པའི་སྦྱིན་སྲེག་བྱས་ན་འཆི་བར་འགྱུར་རོ། ། རྣམ་པ་གཞན་དུ་མ་ཡིན་ནོ།། ནད་བསྐྱེད་པར་འདོད་ན་པཱ་ན་ཡའི་རིལ་མ་སྦྱིན་སྲེག་ཉི་མ་བདུན་དུ་བྱས་ན་ནད་སྐྱེད་པར
310b2 བྱེད་དོ། ། མིང་ནས་སྨོས་ནས་སྒྲུབ་པར་འགྱུར་ཏེ་རབ་ཏུ་སྦྱར་བར་བྱའོ།། བཅོམ་ལྡན་འདས་མ་རིག་པའི་རྒྱལ་མོ་ཆེན་མོའི་ལེའུ་བཅུ་གཅིག་པའོ།། ། དེ་ནས་ལྷ་མ་ཡིན་གྱི་དབང་པོ་ཐག
310b3 བཟངས་རིས་ཀྱིས་བཅོམ་ལྡན་འདས་མའི་ཆོ་ག་གསུངས་སོ། ། སྒྲུབ་པ་པོས་ཕུག་གི་སྒོ་རུ་དུར་ཁྲོད་དུ་གོས་གཙང་མ་བགོས་པས་ཀུ་ཤའི་ཁྲེས་ལ་ཉེ་བར་འདུག་སྟེ། ཕུག་གི་སྒོ་ལ་མངོན་པར་ཕྱོགས་ནས་བཅོམ
310b4 ལྡན་འདས་མའི་སྙིང་པོ་མཉམ་པར་འགྲོ་མ་སྟོང་ཕྲག་བརྒྱད་བཟླས་པར་བྱ་སྟེ། ། ཐམས་ཅད་གནས་ནས་འབྱོར་པར་འགྱུར་རོ།། དོགས་པ་མེད་པར་རབ་ཏུ་འཇུག་པར་བྱ་སྟེ། ལྷ་མ་ཡིན་སེལ་བ་ཞེས་བྱ་བའི་རིག་པ་དྲན
310b5 བཞིན་པས་རབ་ཏུ་བླང་བར་བྱའོ། ། བུད་མེད་ལ་དགའ་བ་དང་བཅས་པས་ཡོངས་སུ་བཟླས་ནས་གཏོགས་པར་བྱ་སྟེ་དབང་དུ་འགྱུར་རོ།། དེ་ནས་སྒྲུབ་པ་པོས་གསུམ་པོས་འདི་བྱེད་པར་འདོད་པས་རིའི་རྩེ་མོར
310b6 འཛེགས་ཏེ་རིག་པ་སྙིང་པོ་མཉམ་པར་འགྲོ་མ་འབུམ་ཕྲག་གསུམ་བཟླས་པར་བྱའོ། ། དེ་ནས་བ་ལང་གི་པགས་པའི་ཚད་ཙམ་གྱི་དཀྱིལ་འཁོར་ལ་ཙན་དན་དམར་པོས་ཉེ་བར་བྱུགས་ཏེ་བསྲུང་བ
310b7 བྱས་ནས་ཀུ་ཤའི་ཁྲེས་ལ་ཉེ་བར་འདུག་སྟེ། ཕུག་གི་སྒོ་ལ་མངོན་པར་ཕྱོགས་པས་རིག་པའི་སྙིང་པོ་མཉམ་པར་འགྲོ་མས་ཨ་པཱ་མརྒའི་ཡམ་ཤིང་ལ་དུག་དང་ཁྲག་གིས་བཏགས་པའི་སྦྱིན་སྲེག
iiif viewer powered by OpenSeadragon
