| e-texts navigator |
| Wylie |
310a1 པའི་ཡིད་སྐྲག་པ་དང་། ཁ་འཆིང་བར་བྱེད་དོ།། དེས་འདིའི་ལས་བྱ་སྟེ་གུར་ཀུམ་གྱི་ཆུས་རྨོངས་པར་བྱེད་དོ།། སོར་མོས་སྦྲུལ་འགུགས་པར་བྱེད་དོ།། ཡུངས་ཀར་དང་། པདྨའི་རྩ་བ
310a2 ལས་སྐྱེས་པ་དང་། མེ་ཏོག་བཟང་པོ་རྣམས་ཀྱིས་འབྱིན་པར་བྱེད་དོ།། བདུག་སྤོས་ཀྱིས་སྨྲ་བར་བྱེད་དོ།། ཀ་ར་ཝཱི་རའི་མེ་ཏོག་གིས་དཀྱིལ་འཁོར་དུ་འཇུག་པར་བྱེད་དོ།། ཨ་ཀ་རུའི་བདུག་པས་འཕྲལ་དུ་འདུག་པ
310a3 དང་། བཅོམ་ལྡན་འདས་མའི་ལས་སྟོང་རྩ་བརྒྱད་པོ་འདི་རྣམས་རབ་ཏུ་སྦྱར་བར་བྱ་སྟེ། ཡམ་ཤིང་གི་མཚན་ཉིད་འཆད་པར་འགྱུར་བ་རྩ་བ་དང་། རྐེད་པ་དང་། རྩེ་མོའང་བསྐྲད་པའི་དོན་གྱིས་སྡོང་བུ་དང་རྩ་བས་སྦྱིན
310a4 སྲེག་བྱའོ། ། རྐེད་པས་ནི་ནོར་འདོད་པས་སོ།། རྩེ་མོས་ནི་ཞི་བ་ཅན་དང་རྒྱས་པ་ཅན་ལའོ། ནོར་འདོད་པས་ཐོ་རངས་ཀྱི་དུས་སུ་གནོད་སྦྱིན་ཡོངས་སུ་རྒྱུ་བར་བྱེད་དོ།། དེས་ན་དེའི་ནོར་སྦྱིན་པའི་ལས་ཀྱི་དངོས་གྲུབ་ཏུ་འགྱུར་རོ།།
310a5 བསྐྲད་པར་འདོད་པས་བར་དུ་གནས་པས་མཚན་མོའི་སྔ་མ་ལ་རྩ་བའི་སྦྱིན་སྲེག་བྱའོ།། སྡིགས་མཛུབ་ཀྱི་ཚད་ཙམ་ལ་དུག་དང་ཁྲག་གིས་བཏགས་པས་དུར་ཁྲོད་ཀྱི་མེ་ལ་སྦྱིན་སྲེག་བྱའོ།། མཚན་མོ་ཕྱེད
310a6 ནས་ཡི་དགས་རབ་ཏུ་རྒྱུ་སྟེ། དེས་དེ་ལས་མངོན་སྤྱོད་ཀྱི་ལས་རབ་ཏུ་བསྒྲུབ་པར་བྱའོ།། སྒྲུབ་པ་ཆེན་པོ་ལ་ཁྲུའི་ཚད་ཀྱི་ཡམ་ཤིང་ལ་ཞོ་དང་། སྦྲང་རྩི་དང་། མར་གྱིས་བཏགས་པས་ཁ་ཤར་དུ་ཕྱོགས་པས
310a7 སྦྱིན་སྲེག་བྱའོ། ། དེས་སྒྲུབ་པ་ཆེན་པོ་སྒྲུབ་པར་བྱེད་དོ།། དབང་དུ་བྱེད་པ་ལ་བྱང་ཆུབ་ཀྱི་ཤིང་གི་ཡམ་ཤིང་གིས་སྦྱིན་སྲེག་བྱའོ།། སྡིགས་མཛུབ་ཀྱི་ཚད་ཙམ་འདིས་སོ།། ཉིན་ཞག་བདུན་དུ་ཉི་མ་འཆར
iiif viewer powered by OpenSeadragon
