| e-texts navigator |
| Wylie |
30a1 ཐང་སྐུ་དེ་ཀུན་གྱི་གཡས་ཕྱོགས་ཀྱི་བར་དུ་སྒྲུབ་པ་པོ་མེ་ཏོག་དང་། མཆོད་ཡོན་གྱི་སྣོད་དང་། བདུག་སྤོས་ཀྱི་སྣོད་ལག་པ་ན་གཟུང་བར་བྱའོ།། དེ་རྣམས་ཀྱི་དབུ་ལ་དབུ་རྒྱན་དུ་འོད་དཔག་མེད
30a2 པ་འམ། ཆོས་ཀྱི་རྒྱལ་པོའི་མཆོད་རྟེན་བྲི་བར་བྱའོ།། འདི་ནི་ཐང་སྐུའི་ཆོ་གའོ།། ཐང་སྐུའི་མདུན་དུ་རྩ་བའི་སྔགས་ཇི་ལྟ་བ་འདོད་པ་དེ་བཟླ་ཞིང་བསམ་གཏན་ཡང་བྱས་ནས། མཆོད་པ་རྣམ་པ་ལྔས་མཆོད་ལ།
30a3 མཆོད་ཡོན་སྣོད་དང་། ཡོངས་སུ་གང་བའི་བདུད་རྩི་ལྟ་བུའི་ཟས་དང་། སྒྲོན་མའི་ཟས་ལ་བྱས་ནས་མཆོད་ཡོན་བྱིན་ཏེ་སྔགས་གང་འདོད་པ་དེ་བཟླས་པ་བྱས་ན། དེ་ལ་གསུངས་པའི་དངོས་གྲུབ་ཏུ་འགྱུར་རོ།། གསང་བ་པོ
30a4 ནི་སྔགས་འདི་ཉིད། ཁ་ཅིག་ལ་ཡང་མི་སྦྱིན་ནོ།། བློ་ལྡན་སེམས་ཅན་དོན་བརྩོན་པའི།། སེམས་བརྟན་པ་ལ་སྦྱིན་པར་བྱ།། མཆོད་རྟེན་ལས་བྱེད་ཉིད་ལ་ནི།། བློ་ལྡན་འབད་པས་སྦྱིན་པར་བྱ།། རང་ཉིད་དང་ནི་ནོར་དག
30a5 གིས། ། བླ་མ་ལ་རྟག་གུས་པར་བྱ།། རྡོ་རྗེ་སློབ་དཔོན་རྣལ་འབྱོར་ལ།། མཆོག་ཏུ་གྱུར་པའི་ཡོན་ཡང་དབུལ།། གང་དང་གང་ནི་གཏང་དཀའ་བ།། མཆོག་ཏུ་གྱུར་པར་འདིར་ནི་སྔགས།། ཆུང་མ་སྲིང་མོ་དང་ཡང་ནི
30a6 བུ་མོ་དང་ནི་ཚ་མོ་དག། བུ་མོ་རྒྱན་ཀུན་བརྒྱན་པར་བྱའོ།། གླང་ཆེན་རྟ་དང་ཤིང་རྟ་དང་།། ཕྱོགས་དང་གྲོང་ཁྱེར་རྒྱལ་སྲིད་དང་།། ཡུལ་འཁོར་རྒྱལ་སྲིད་ལྡན་པ་དང་།། རིན་ཆེན་སྣ་ཚོགས་དག་ཀྱང་ནི།། གཞན
30a7 ཡང་རྡོ་རྗེ་སློབ་དཔོན་དབུལ། ། རྡོ་རྗེ་སློབ་དཔོན་དགྱེས་གྱུར་པ།། ཐམས་ཅད་རབ་སྦྱིན་དབུལ་བར་བྱ།། འཇིག་རྟེན་དབང་ཕྱུག་གི་རྟོག་པ་རྫོགས་སོ།། ། རྒྱ་གར་གྱི་མཁན་པོ་ཛེམྦྷ་ལ་དང
iiif viewer powered by OpenSeadragon
