| e-texts navigator |
| Wylie |
309b1 འགྱུར་རོ། ། བཅོམ་ལྡན་འདས་མ་རིག་པའི་རྒྱལ་མོ་ཆེན་མོ་མ་མོ་དང་། གནོད་སྦྱིན་དང་། སྲིན་པོ་དང་། འབྱུང་པོ་དང་། ཤ་ཟ་ཐམས་ཅད་ཀྱིས་གསུངས་པའི་མཚན་ཉིད་ཀྱི་ལེའུ་བཅུ་པ་རྫོགས་སོ།།
309b2 མ་བསྒྲུབས་པར་ཡང་ལས་སུ་འགྱུར་ཏེ།། ཆར་མ་བབས་པ་ལ་ཆུར་ཞུགས་ཏེ་རིག་པ་བཟླས་ན་ཉི་མ་བདུན་གྱིས་ཆར་འབབ་བོ།། ཁུ་བ་འཆིང་བ་ལ་སྲད་བུས་སོ།། མྱོས་པ
309b3 རྣམ་པར་འཇོམས་པ་རྣམས་ལ་དུར་ཁྲོད་ཀྱི་ཐལ་བས་སོ། ། གསུང་པ་ལ་ནི་རྒྱ་སྐྱེགས་ཀྱིས་སོ།། གཟེར་གྱིས་ཉམ་ཐག་པ་ལ་ཨརྫ་ནས་ཟུག་རྔུ་དང་བྲལ་བར་བྱེད་དོ།། ཏིལ་གྱི་ཏིལ་མར་གྱིས་བྱ་རྒོད་དང
309b4 གཅོད་པར་བྱེད། ཆུ་གྲི་དང་གསུམ་གྱིས་མཆེ་བ་འཇུག་པར་བྱེད་དོ།། གུ་གུལ་གྱི་བདུག་པས་གནས་ནས་སྐྲོད་པར་བྱེད་དེ། འདི་རྣམས་མ་བསྒྲུབས་པར་ཡང་བྱེད་དེ། བཅོམ་ལྡན་འདས་མ་འདི་ཉིད་ཀྱིས
309b5 ཐམས་ཅད་ཉིད་བསྒྲུབ་པར་བྱའོ། ། དཔེར་ན་འདི་བདག་དཔེའི་དོན་དུ་འཆང་བར་བྱེད། ཀློག་པར་བྱེད་པ་དེ་བཞིན་དུ་འདི་ཡང་གཙང་མས་གོས་གཙང་མ་བགོས་པས་ཀུ་ཤའི་ཁྲེས་ལ་ཉེ་བར་འདུག་སྟེ།
309b6 བཀླག་པར་བྱ་སྟེ། ཆོ་ག་འདི་ཉི་མ་བདུན་དུ་བཀླགས་པ་བྱས་ན་ཞི་བར་འགྱུར་རོ།། ཆར་ཆེས་ན་གྲོག་མཁར་ལ་འཛེགས་ཏེ་བཅོམ་ལྡན་འདས་མ་སྟོང་ཕྲག་བརྒྱད་ཉེ་བར་བཟླས་ན་དེ་ནས་ཉེ་བར་ཞི་བ
309b7 འགྱུར་རོ། ། དྲི་དང་། མེ་ཏོག་དང་། བདུག་པ་གང་ལ་སྦྱིན་པར་བྱ་སྟེ། རིག་པ་ཐམས་ཅད་འགུགས་པ་དང་། འཆིང་བ་དང་། རེངས་པ་དང་། གཅོད་པ་དང་། རིག་པ་ཐམས་ཅད་གསོད་པ་དང་། གདུག
iiif viewer powered by OpenSeadragon
