| e-texts navigator |
| Wylie |
305b1 དེ་ནས་སྒྲུབ་པ་པོས་རྒྱུ་སྐར་རྒྱལ་ལ་ས་སེར་པོ་དང་། བའི་གཅིན་དང་། ལྗང་ཁུས་ནམ་མཁའ་ལྡིང་འདྲིར་གཞུག་པ་སྟེ། འདིའི་མགྲིན་པ་ལ་པདྨའི་ཕྲེང་པ་སྦྱིན་པར་བྱའོ།། དེ་ལ་སྒྲུབ་པ་པོས་རིན་པོ་ཆེ་གསུམ་གྱིས
305b2 མཆོད་པ་བྱས་ནས། དེ་ནས་སྒྲུབ་པ་པོས་པ་ལས་བྱུང་བས་དཀྱིལ་འཁོར་ཉེ་བར་བྱུགས་ཏེ། སྒོ་བཞི་རྣམས་སུ་བུམ་པ་གང་བ་བཞི་གཞག་པར་བྱའོ།། བུམ་པ་གང་བ་བཞི་པོ་རྣམས་ལ་ཀླུའི་རྒྱལ་པོ་བཞི་འདྲིར་གཞུག
305b3 པར་བྱའོ། ། དེ་ནས་རྒྱུད་མཚུངས་པའི་བའི་མར་གསར་བླངས་ནས་ཟངས་ཀྱི་སྣོད་དུ་བཞག་སྟེ། ལག་པ་གཡས་པས་མནན་ནས་ཇི་སྲིད་དུ་དུ་བ་འཐུལ་བ་དང་འབར་བར་བྱེད་པ་དེ་སྲིད་དུ་རིག་པ་བཟླས་པར་བྱའོ།། དུ་བ
305b4 འཐུལ་བ་ན་འཐུངས་པས་མི་སྣང་བར་འགྱུར་རོ། ། ལོ་སྟོང་ཕྲག་བཅུ་བཞིར་འཚོ་བར་འགྱུར་རོ།། དཔག་ཚད་སྟོང་དུ་འགྲོའོ།། འབར་ན་ལྷའི་ལུས་དང་ཡིད་དུ་འགྱུར་རོ།། ཐམས་ཅད་དབུགས་ལ་འབྱིན་པར་བྱེད་དོ།།
305b5 རིག་པ་འཛིན་པ་བཅུས་ཡོངས་སུ་བསྐོར་རོ།། གང་གི་ཚེ་འཆི་བ་དེའི་ཚེ་བདེ་བ་ཅན་དུ་སྐྱེ་བར་འགྱུར་རོ།། རྒྱ་མཚོར་འགྲོ་བའི་ཆུ་ཀླུང་དུ་སོང་ནས་སློང་མོ་ཟཞིང་ཀྲུ་ཤིང་གི་མེ་ཏོག་ལ་ཞོ་དང་། སྦྲང་རྩི་དང་། མར་གྱིས
305b6 བཏགས་པའི་སྦྱིན་སྲེག་འབུམ་བྱས་ན་ཀླུ་རྣམས་ལང་ངོ་། ། དེ་ནས་སྒྲུབ་པ་པོས་འཇིགས་པ་མེད་པས་དབུས་སུ་མེ་ཏོག་གིས་བརྒྱན་པའི་བུམ་པ་གནག་པར་བྱ།། དེའི་སྟེང་དུ་འཁོར་བ་གཞག་པར་བྱ།། དེ་ནས
305b7 སྲུསྒྲུ་པ་པོས་སྲུང་བ་བྱས་ཏེ་ཀླུའི་སྟན་ལ་ཉེ་བར་འདུག་པས་ཇི་སྲིད་ནམ་མཁའ་ལྡིང་ལས་འོད་ཟེར་འཕྲོ་བ་དེ་སྲིད་དུ་རིག་པ་བཟླས་པར་བྱའོ། ། སྒྲུབ་པ་པོ་ལ་བསྐོར་བ་བྱས་ནས་དེ་ཉིད་ཀྱི་སྤྱི་བོར་ནུབ་པར་འགྱུར
iiif viewer powered by OpenSeadragon
