| e-texts navigator |
| Wylie |
304b1 ཅད་ལ་གཏོར་མ་བྱའོ། ། དེ་ནས་སྒྲུབ་པོས་བསྲུང་བ་བྱས་ཏེ་གཙང་མ་གོས་གཙང་མ་བགོས་ཏེ། ཀུ་ཤའི་ཁྲེས་ལ་ཉེ་བར་འདུག་ནས་རིག་པ་སྙིང་པོ་མཉམ་པར་འགྲོ་མ་བཟླས་པར་བྱའོ།། ཇི་སྲིད་མ་ཧེའི་རྭ
304b2 གཡས་པ་ལ་འོད་ཟེར་འཕྲོ་བ་དེ་སྲིད་དུ་བཟླས་པར་བྱའོ། ། དེ་ནས་ཡིད་ཀྱིས་མཆོད་ཡོན་དབུལ་ལོ།། དེ་ནས་མ་ཧེ་ལ་ཞོན་ཏེ་ཞོན་པ་ཙམ་གྱིས་རིག་པ་འཛིན་པ་བཅུ་བདུན་གྱིས་ཡོངས་སུ་བསྐོར་བའི
304b3 ལྷའི་ལུས་སུ་འགྱུར་རོ། ། དཔག་ཚད་སྟོང་ཕྲག་དྲུག་ཅུ་རུ་འཕུར་བར་འགྱུར་རོ།། ལྷ་མ་ཡིན་གྱི་བུ་མོ་རྣམས་ཀྱང་དབང་དུ་འདུ་བར་འགྱུར་རོ།། ལོ་སྟོང་ཕྲག་ལྔ་བརྒྱར་འཚོ་བར་འགྱུར་རོ།།
304b4 ལུས་སྦྱང་བ་བྱས་ནས་རས་རིས་ལ་བསྐོར་བའི་ལྷའི་མཆོད་པ་རྒྱ་ཆེན་པོ་དང་། རྣམ་པ་སྣ་ཚོགས་པའི་གཏོར་མ་བྱ་སྟེ། དེ་ནས་སྒྲུབ་པ་པོས་ཀུ་ཤ་ལས་བྱུང་བའི་ཞགས་པ་བྱས་ནས་ལག་པ་གཡས
304b5 པས་མནན་ཏེ། ཇི་སྲིད་འབར་བར་གྱུར་པ་དེ་སྲིད་དུ་བཟླས་པར་བྱའོ།། རིག་པ་དྲན་པས་རེག་སྟེ། བླངས་པ་དེ་སྒྲ་ལི་ཞིང་འཁྱིལ་པ། ལོ་བརྒྱད་གཉིས་ལོན་པའི་རྣམ་པ།། ལག་ན་ཞགས་པ་ཐོགས་པ།
304b6 རིག་པ་འཛིན་པ་བཅུ་དྲུག་གིས་ཡོངས་སུ་བསྐོར་བ། དཔག་ཚད་སྟོང་ཕྲག་ལྔར་འཕུར་བར་འགྱུར་རོ།། ལོ་སྟོང་ཕྲག་བཅུ་བཞིར་འཚོ་བར་འགྱུར་རོ།། གང་གི་ཚེ་འཆི་བ་དེའི་ཚེ་རྒྱལ་ཆེན་བཞིའི་རིས་ཀྱི་ལྷ
304b7 རྣམས་སུ་སྐྱེ་བར་འགྱུར་རོ། ། རིའི་རྩེ་མོར་འཛེགས་ཏེ་སློང་མོ་ཟ་ཞིང་སྙིང་པོ་མཉམ་པར་འགྲོ་མ་བྱེ་བ་བཟླས་ན་རིག་པ་འཛིན་པར་འགྱུར་རོ།། རིག་པ་འཛིན་པ་ལྔས་ཡོངས་སུ་བསྐོར་བ་ཐོགས་པ་མེད་པར་འགྲོ
iiif viewer powered by OpenSeadragon
