| e-texts navigator |
| Wylie |
302a1 དེ་ནས་རིག་པ་སླར་ཡང་བཟླས་པར་བྱ་ཞིང་སེང་གེ་ལ་ཞོན་ནས་འགྲོ་བར་བྱའོ། ། ཞོན་པ་ཙམ་གྱིས་རིག་པ་འཛིན་པ་ཐམས་ཅད་མེ་ཏོག་མངོན་པར་འཐོར་བར་བྱེད་དོ།། སེང་གེ་ལ་ཞོན
302a2 བཞིན་དུ་རླུང་ལྟར་འགྲོའོ། ། གང་གི་ཚེ་སེང་གེ་སྒྲ་སྒྲོགས་པར་བྱེད་པ་དེའི་ཚེ་སུམ་ཅུ་རྩ་གསུམ་པའི་ལྷ་རྣམས་སྟན་ལས་ལྷུང་ངོ་།། ལྷ་མ་ཡིན་གྱི་བུ་མོ་རྣམས་ཀྱང་དབང་དུ་འགྱུར་རོ།། རིག་པ་འཛིན་པ་བྱེ་བས
302a3 ། ཡོངས་སུ་བསྐོར་ཞིང་བསྐལ་པར་གནས་སོ།། གང་གི་ཚེ་འཆི་བ་དེའི་ཚེ་དྲི་མ་མེད་པའི་འཇིག་རྟེན་གྱི་ཁམས་སུ་སྐྱེ་བར་འགྱུར་རོ།། པྲི་ཡང་ཀུའི་ཤིང་ལས་བྱུང་བའི་བཅོམ་ལྡན་འདས་མ་ཁྲོ་གཉེར་ཅན་མ
302a4 རི་མོ་མཁན་གསོ་སྦྱོང་ལ་གནས་པས་རྒྱུ་སྐར་རྒྱལ་ལ་མ་འདྲེས་པའི་ཚོན་གྱིས་འདྲིར་བཅུག་ནས། དེའི་སྤྱན་སྔར་རིག་པ་འཛིན་པས་མི་སྨྲ་བས་རིག་པ་འབུམ་ཕྲག་དྲུག་བཟླས་པར་བྱའོ།། དེ་ནས་དུར་ཁྲོད
302a5 ནས་སྐྱེས་པའི་རོ་བླངས་ནས་དྲི་བཟང་པོའི་དྲི་རྣམས་ཀྱིས་ཁྲུས་བྱས་ནས་ལེགས་པར་བསྡམས་པ་ཤར་དུ་མངོན་པར་ཕྱོགས་པར་གཞག་པར་བྱའོ། ། དེ་ནས་སྒྲུབ་པ་པོས་མེ་ཏོག་ལ་སོགས་པས་མངོན་པར
302a6 མཆོད་ནས་གཏོར་མ་རྒྱ་ཆེན་པོ་བྱིན་ཏེ་ཀུ་ཤའི་ཁྲེས་ལ་ཉེ་བར་འདུག་པས་རིན་པོ་ཆེས་བཀང་ལ། བཅོམ་ལྡན་འདས་མས་ལན་བདུན་བསྔགས་པ་བྱས་ལ་རོ་ལངས་ཀྱི་ཁར་སྲེག་བླུགས་ལན་ཉི་ཤུ་རྩ་བརྒྱད་སྦྱིན
302a7 སྲེག་བྱའོ། ། རོའི་ཁ་གདངས་པར་འགྱུར་རོ།། སྒྲུབ་པ་པོས་རིངས་ཐབས་སུ་རྐང་པའི་མཐེ་བོང་ལ་སེང་ལྡེང་གི་ཕུར་བུ་སོར་བརྒྱད་པ་བཅོམ་ལྡན་འདས་མས་ལན་བདུན་མངོན་པར་བསྔགས་ནས་གཟུགས་པར
iiif viewer powered by OpenSeadragon
