| e-texts navigator |
| Wylie |
300b1 དང་བའི་ལུས། གླང་པོ་ཆེ་ལ་ཞོན་པ། ལོ་སྟོང་ཕྲག་བརྒྱད་ཅུ་རུ་འཚོ་བར་འགྱུར་རོ།། དཔག་ཚད་སྟོང་ཕྲག་བཅོ་བརྒྱད་དུ་འཕུར་བར་འགྱུར་རོ།། གང་གི་ཚེ་འཆི་བ་དེའི་ཚེ་དགའ་ལྡན་ལྷའི་གནས་སུ་སྐྱེ་བར
300b2 འགྱུར་རོ། ། ཚེས་གྲངས་མེད་ཅིང་རྒྱུ་སྐར་མེད། སྨྱུང་བར་གནས་པ་མེད་དེ་བསྒྲུབ་པར་བྱའོ།། སྐྱེས་བུ་ཤི་བའི་རོ་བླངས་ཏེ་ཆུ་ཀླུང་གི་འགྲམ་དུ་དྲིའི་ཆུས་ཁྲུས་བྱས་ནས་རྣམ་པ་སྣ་ཚོགས་པའི་གོས་གསར་པ་དང་།
300b3 རྒྱན་གྱིས་བརྒྱན་པར་བྱས་ནས་མགོ་བོ་ཤར་དུ་གཞག་པར་བྱའོ།། སྒྲུབ་པ་པོས་གྲོགས་བཟང་པོ་བསྲུང་བ་བྱས་ལ་ཀུ་ཤའི་ཁྲེས་ལ་ཉེ་བར་འདུག་སྟེ། ཡུངས་ཀར་དཀར་པོ་ལ་ལན་བདུན་མངོན་པར་བསྔགས
300b4 ནས་ཁར་གཞུག་པར་བྱ་ཞིང་རིག་པ་བཟླས་སོ། ། ཇི་སྲིད་དུ་མི་རོའི་ཁ་གདངས་པར་འགྱུར་རོ།། དེ་ནས་སྒྲུབ་པ་པོ་འཇིགས་པ་མེད་པར་གྱུར་པས་རྐང་པ་གཡོན་པས་བྲང་ཁར་མནན་ནས་སྒྲ་དྲག་པོ་འབྱུང་བར་མི་བྱེད
300b5 པ་དེ་སྲིད་དུ་རིག་པ་བཟླས་པར་བྱའོ། ། ཇི་སྲིད་དུ་ངུ་བ་འཐུལ་བར་བྱེད་དེ། འཇིགས་པ་མེད་པས་དཔྲལ་བར་ལན་བདུན་བཟླས་པའི་ཡུངས་ཀར་གྱིས་གཞུ་བར་བྱའོ།། ཁ་ནས་སྦྲུལ་མཐོང་བར་འགྱུར་ཏེ
300b6 འཇིགས་པར་མི་བྱ་བར་རིག་པ་དྲན་པས་རེག་པར་བྱའོ། ། རེག་པ་ཙམ་གྱིས་རལ་གྲིར་འགྱུར་རོ།། སྙིང་པོ་དྲན་པས་གཟུང་བར་བྱའོ།། བཟུང་བ་ཙམ་གྱིས་སྒྲ་ལི་ཞིང་འཁྱིལ་བ། ལོ་བརྒྱད་གཉིས་ལོན
300b7 པའི་རྣམ་པ། ། གླང་པོའི་རིག་པ་འཛིན་པ་ཐམས་ཅད་ཀྱི་བདག་པོར་ཐོགས་པ་མེད་པར་འགྱུར་ཏེ། ལོ་སྟོང་ཕྲག་དྲུག་ཅུར་འཚོ་བར་འགྱུར་རོ།། མདུང་ཐུང་གི་སྒྲུབ་པར་འགྱུར་ཏེ། སྔར་བཞིན་དུ་འོ་མ་དང་ནས
iiif viewer powered by OpenSeadragon
