| e-texts navigator |
| Wylie |
29b1 ལ་གནས་ཤིང་སེང་གེའི་ཁྲི་ལ་བཞུགས་པ། གཡོན་པ་ས་ལ་གནས་ཤིང་ཞབས་གཡས་པ་པདྨའི་སྟེང་གི་གདམ་སྟེངས་སུ་བཞུགས་པའོ།། ཕྱག་རེ་རེ་ན་འཕྲེང་བ་བསྣམས་པར་སེམས་པ་པོས་འཕྲེང
29b2 བའི་འོག་ཏུ་འདྲེན་པའི་ཚུལ་འདིས་བསམ་པར་བྱ་བ་ནི་སེམས་པ་ལྟ་བུར་གནས་པ་ཞེས་བྱའོ། ། ཆོ་ག་གཞན་ཡང་བཅོམ་ལྡན་འདས་དཀར་ཞིང་དམར་བ་ཕྱག་བཅུ་པ་རི་དགས་སེང་གེའི་གདན་ལ་པདྨའི་སྟེང་དུ
29b3 སྐྱིལ་ཀྲུང་ཕྱེད་པས་བཞུགས་པ། གཡས་ན་འཕྲེང་བ་བསྣམས་པའོ།། སེང་གེ་དང་། གླང་པོ་ཆེ་དང་། མེ་དང་། སྦྲུལ་གྱིས་འཇིག་པ་རྣམ་ལས་གྲོལ་བའི་ཆ་བྱད་ཅན་ནོ།། གཡོན་ན་པདྨ་དམར་པོ་སྡོང་བུ་གཉིས
29b4 པ་སྟེང་དུ་པོ་ཏི་ཅན་ཏེ། རྐུ་མ་དང་། ལྕགས་སྒྲོག་གིས་བཅིངས་པ་དང་། མཚོན་དང་། ཐོག་ཆེན་པོ་དང་། ཤ་ཟས་ཟ་བ་རྣམས་སྒྲོལ་བའི་ཆ་བྱད་ཅན་ནོ།། གནས་དེ་བརྒྱད་དུ་སྒྲུབ་པ་པོ་རྒྱན་ཐམས་ཅད་ཀྱིས
29b5 བརྒྱན་པ། ཡན་ལག་ཐམས་ཅད་ཡོངས་སུ་རྫོགས་པ། སྔོན་བཞིན་དུ་ལངས་པའམ་འདུག་པར་བསམ་པར་བྱའོ།། གཞན་ཡང་ཆོ་ག་ནི་ཟླ་བའི་དཀྱིལ་འཁོར་གྱི་དབུས་སུ་བཅོམ་ལྡན་འདས་སྣ་ཚོགས
29b6 ཀྱི་གཟུགས་འཆང་བ། དབུ་བཅུ་གསུམ་པ། སྤྱི་བོའི་མགོ་བོ་ནི་ལྗང་ཁུའི་རྟ་ཞལ་ལོ།། ཡང་ན་ཞི་བ་སངས་རྒྱས་ཤཱཀྱ་ཐུབ་པའི་ཞལ་ལོ།། ཕྱག་བརྒྱ་པའི་བཅོམ་ལྡན་འདས་འདི་ནི་སྣ་ཚོགས་ཀྱི
29b7 མཚོན་ཆ་བསྣམས་པའོ། ། ཡང་ན་ཞལ་བརྒྱ་པོ་ཕྱག་སྟོང་པའང་བྱའོ།། ཁ་ཅིག་ཏུ་རྡོ་རྗེ་སྐྱིལ་མོ་ཀྲུང་གིས་གནས་པ་འམ་བཞེངས་པའང་བྱའོ།། ཙམ་པ་ལྟ་བུའི་དཀར་སེར་གྱི་བཅོམ་ལྡན་འདས་སོ།།
iiif viewer powered by OpenSeadragon
