| e-texts navigator |
| Wylie |
298b1 རྫས་རྣམས་དབང་དུ་འགྱུར་རོ། ། བཅོམ་ལྡན་འདས་མ་རིག་པའི་རྒྱལ་མོ་ཆེན་མོ་ཚངས་པས་གསུངས་པ་ལེའུ་ལྔ་པའོ།། ། དེ་ནས་གླང་པོའི་རྒྱལ་པོ་ཕུར་བུ་གསུམ་པས། བྱང
298b2 ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གང་ན་བ་དེར་ཉེ་བར་ལྷགས་སོ། ། ཉེ་བར་ལྷགས་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལ་བསྐོར་བ་བྱས་ནས།། ཞབས
298b3 གཉིས་ལ་མགོ་བོས་ཕྱག་བྱས་ནས། བྱང་ཆུབ་སེམས་དཔའ་ཆེན་པོ་ལ་འདི་སྐད་ཅེས་སྨྲས་སོ།། བྱང་ཆུབ་སེམས་དཔའ་ཆེན་པོ་རིག་པའི་རྒྱལ་པོ་འདིའི་ཆོ་ག་བཤད་པར་བྱའོ།། དེ་ནས་བྱང་ཆུབ་སེམས
298b4 དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གིས། ། གླང་པོའི་རྒྱལ་པོ་ཕུར་བུ་གསུམ་པ་ལ་འདི་སྐད་ཅེས་སྨྲས་སོ།། གླང་པོའི་རྒྱལ་པོ་གང་ཁྱོད་སེམས་ཅན་གྱི་དོན་དུ་ཆོ་ག་འཆད་པ
298b5 ལེགས་སོ་ལེགས་སོ། ། དེས་ན་གང་ཁྱོད་སྨྲོས་ཤིག། གླང་པོའི་རྒྱལ་པོ་ཕུར་བུ་གསུམ་པས་སྨྲས་པ། ཚེས་གྲངས་མེད་ཅིང་རྒྱུ་སྐར་མེད། སྨྱུང་བར་གནས་པ་མེད་པར་བསྒྲུབ་པར་བྱ་སྟེ། བུད་མེད་ཀྱི་རོ
298b6 བླངས་ནས་དུར་ཁྲོད་དུ་བ་ལང་གི་པགས་པ་ཙམ་གྱི་ཐང་ལ་ཉེ་བར་བྱུག་པ་བྱས་ནས། ཤར་དུ་མགོ་བོ་བཞག་ནས་དྲི་དང་མེ་ཏོག་ལ་སོགས་པ་རྣམས་ཀྱི་མཆོད་པས་མཆོད་དེ། དེའི་བྷ་གར་མིག་སྨན་བཅུག
298b7 ནས་ཇི་སྲིད་དུ་འགྲོ་བར་གྱུར་པ་དེ་སྲིད་དུ་བཟླས་པར་བྱའོ། ། དེས་རྒྱལ་བའི་སྤྱན་དང་མཚུངས་པར་འགྱུར་ཏེ་ལོ་སྟོང་ཕྲག་བཞིར་འཚོ་བར་འགྱུར་རོ།། ནག་པོའི་བཅུ་བཞི་ལ་སྐྱེས་བུ་ཤི་བ་དེའི་ཡན
iiif viewer powered by OpenSeadragon
