| e-texts navigator |
| Wylie |
296b1 ཕྱག་རྒྱ་དབྱེ་བ་བྱས་པར་འགྱུར་རོ།། ཡུངས་ཀར་ལ་དཀྱིལ་འཁོར་བཅིངས་པའོ།། ཕུར་བུས་ཁང་བཟངས་སྦྱོང་བའོ།། ཕུར་བུ་ཉིད་ཀྱིས་མཚམས་བཅིང་བའོ།། གང་དུ་རྡོ་རྗེ་གནས་པའི་གནས་དེར
296b2 བཅོམ་ལྡན་འདས་མའི་སྙིང་པོ་མཉམ་པར་འགྲོ་མ་ལན་བརྒྱད་བརྒྱར་བཟླས་པར་བྱའོ། ། རྡོ་རྗེ་རྣམས་བཅིང་བ་བྱས་པར་འགྱུར་རོ།། རྡོ་རྗེ་དབྱེ་བར་བྱ་བར་འདོད་ན། དུག་དང་། ལིང་ཀ་དང་། ཀ་ར་ཝཱི་རའི་མེ
296b3 ཏོག་དང་། ལུག་གི་རཱ་སྟེ། འདི་རྣམས་ཆ་མཉམ་པར་བྱས་ལ་རིག་པ་བརྒྱད་བརྒྱར་མངོན་པར་བསྔགས་པར་བྱས་ནས་རྡོ་རྗེའི་མེ་ལ་དེ་རབ་ཏུ་བྱུག་པར་བྱའོ།། རྡོ་རྗེ་རྣམ་པར་དབྱེ་བ་བྱས་པར་འགྱུར་རོ།། ནོར་སྒྲུབ
296b4 པར་འདོད་ན་སྔ་མ་བཞིན་དུ་སྔོན་སྤྱད་པ་བྱས་ལ། ། རི་མོ་མཁན་གསོ་སྦྱོང་ལ་གནས་པས་མ་ཉམས་པའི་རས་སྒྲ་དང་བྲལ་བ་ལ་སངས་རྒྱས་བཅོམ་ལྡན་འདས་ཀྱི་གཟུགས་བརྙན་ཆོས་སྟོན་པར་མཛད་བཞིན
296b5 པ་འདྲིར་གཞུག་པར་བྱའོ། ། གཡས་སུ་འཕགས་པ་སྤྱན་རས་གཟིགས་དབང་ཕྱུག་སྟོན་ཀའི་སྤྲིན་ལྟར་དཀར་བ་ལ་རལ་པའི་ཅོད་པན་འཆང་། འོད་དཔག་མེད་དབུ་ལ་བཞུགས་པ།། རྒྱན་ཐམས
296b6 ཅད་ཀྱིས་རྣམ་པར་བརྒྱན་པའོ། ། གཡོན་དུ་རྡོ་རྗེ་འཛིན་པ་སྔོ་བ་སངས་རྒྱན་ཐམས་ཅད་ཀྱིས་རྣམ་པར་བརྒྱན་པ་ཕྱག་ན་རྡོ་རྗེ་ཐོགས་པའོ།། ཕགས་པ་སྤྱན་རས་གཟིགས་དབང་ཕྱུག་གི་ཉེ་ལོགས་ན
296b7 བཅོམ་ལྡན་འདས་མ་ཁྲོ་གཉེར་ཅན་མ་པྲི་ཡང་ཀུ་ལྟར་སྔོ་བསངས་འདྲིར་གཞུག་པར་བྱའོ། ། བཅོམ་ལྡན་འདས་མའི་ཉེ་ལོགས་སུ་རིག་པའི་རྒྱལ་མོ་ཆེན་མོ་འདྲིར་གཞུག་པར་བྱའོ།། ཚངས་པའང་ལག
iiif viewer powered by OpenSeadragon
