| e-texts navigator |
| Wylie |
296a1 སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གང་ན་བ་དེར་ཉེ་བར་ལྷགས་སོ། ། ཉེ་བར་ལྷགས་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལ་མགོ་བོས་ཕྱག
296a2 བྱས་ནས་བསྐོར་བ་བྱས་ཏེ་མཐའ་གཅིག་ཏུ་འདུག་གོ། ། དེ་ནས་ཡང་ཚངས་པ་ཆེན་པོས། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་སྨྲས་སོ།། བདག་རིག་པ
296a3 རྒྱལ་མོའི་ཆོ་ག་འཆད་དོ། ། བྱང་ཆུབ་སེམས་དཔས་སྨྲས་པ། ཚངས་པ་ཆེན་པོ་ལེགས་སོ་ལེགས་སོ།། སེམས་ཅན་ཐམས་ཅད་ལ་ཕན་པ་དང་བདེ་བའི་ཆེད་དུ་རིག་པའི་རྒྱལ་མོ་ཆེན་མོའི་ཆོ་ག་གསུངས
296a4 ཤིག། དེ་ནས་ཡང་ཚངས་པ་ཆེན་པོས་ཆོ་ག་གསུངས་པ། རིགས་ཀྱི་བུ་གང་ལ་ལ་རིག་པའི་རྒྱལ་མོ་སྨྲ་བར་གྱུར་པ་འམ། འཆང་བར་གྱུར་པ་དེ་ལ་བདག་རྟག་ཏུ་རྗེས་སུ་འབྲང་བར་བགྱིའོ།། གང་དང་གང
296a5 དུ་སྐྱེ་བ་དེ་དང་དེར་བདག་འདི་ལ་སངས་རྒྱས་རྗེས་སུ་དྲན་པ་རྗེས་སུ་སྦྱིན་པར་བགྱི་ཞིང་། རྟག་ཏུ་སྐྱེ་བ་དྲན་པར་འགྱུར་རོ།། རིགས་དམའ་བར་སྐྱེ་བར་མི་འགྱུར་རོ།། བཀླགས་པས་ལས་རྣམས་འགྲུབ་པར
296a6 འགྱུར་རོ། ། ཆོམ་རྐུན་གྱི་དབུས་སུ་སོང་བས་ཡིད་ལ་བྱའོ།། སྦྲུལ་གྱི་འཇིགས་པ་དང་།། གནམ་ལྕགས་ལྷུང་བ་ལ་ལན་ཅིག་བརྗོད་པར་བྱའོ།། ཁྲོས་པའི་མདུན་དུ་དྲན་པར་བྱས་ན་དཔལ་རབ་ཏུ་སྟེར་རོ།།
296a7 གདོན་གསོ་བར་འདོད་ན་ལན་བདུན་མངོན་པར་བསྔགས་ལ་སྲང་གིས་བསྡིགས་པར་བྱས་ན་གྲོལ་ལོ།། ཕྱག་རྒྱ་དབྱེ་བར་འདོད་ན་གདོང་ལ་ལན་བདུན་མངོན་པར་བསྔགས་པར་བྱས་ནས་བལྟ་བར་བྱ་སྟེ།
iiif viewer powered by OpenSeadragon
