| e-texts navigator |
| Wylie |
293b1 ཕྱག་རྒྱ་ཐམས་ཅད་འབྱུང་བར་འགྱུར་རོ། ། ལོ་སྟོང་ཕྲག་དྲུག་ཅུར་འཚོ་བར་འགྱུར་རོ།། དཔག་ཚད་སྟོང་ཕྲག་བཅུ་གཅིག་ཏུ་འཕུར་བར་འགྱུར་རོ།། ཐོག་ཕོག་པའི་ཤིང་ལས་བྱུང་བའི་ཕྱག་ན་རྡོ་རྗེ་བྱས་ལ། སྨན་གྱིས
293b2 གཟུགས་ཀྱི་རྣམ་པའི་བཅོམ་ལྡན་འདས་མ་པྲི་ཡང་ཀུའི་ཤིང་ལས་བྱས་པ་སྙིང་པོ་མཉམ་པར་འགྲོ་མ་བྱེད་དུ་གཞུག་གོ། ། སྤྱན་རས་གཟིགས་དབང་ཕྱུག་ནིམ་པའི་ཤིང་ལས་བྱུང་བ་བྱེད་དུ་གཞུག་གོ།། ཐམས་ཅད
293b3 ཀྱང་བད་ཀན་མཐར་བྱེད་ཀྱི་འབྲས་བུ་ལ་སོ་སོར་དགོད་པར་བྱའོ། ། སྒྲུབ་པ་པོ་པུས་མོ་བཙུགས་པ་ལག་ན་པོག་པོར་ཐོགས་པ་བྱེད་དུ་གཞུག་གོ། དེ་ནས་གོས་གཙང་མ་བགོས་ཏེ་མི་སྨྲ་བའི་བརྟུལ
293b4 ཞུགས་ཀྱིས་སྙིང་པོ་མཉམ་པར་འགྲོ་མ་འབུམ་ཕྲག་བཅུ་གཅིག་ཏུ་བཟླས་པར་བྱའོ། ། དེ་ལྟ་བུས་སྔོན་སྤྱད་པ་བྱས་པར་འགྱུར་རོ།། དེ་ནས་བཅོ་ལྔ་པ་ལ་མཚན་མོ་གསུམ་སྤང་བར་གནས་ཏེ་མཎྜལ་དང
293b5 བཅས་པ་བཟའ་ཞིང་དགེ་འདུན་ལ་སྟོན་མོ་དབུལ་བར་བྱའོ། ། དེ་ནས་མཚན་མོ་སངས་རྒྱས་བཅོམ་ལྡན་འདས་ལ་མཆོད་པ་རྒྱ་ཆེན་པོ་བྱས་ནས།། འབྲས་བུ་དང་བཅས་པའི་གཏོར་མ་རྣམ་པ་སྣ་ཚོགས་པ་རྗེས་སུ
293b6 དབུལ་ཞིང་མར་མེ་སྟོང་སྦར་བར་བྱའོ། ། དེ་ནས་བསྲུང་བ་བྱས་ནས་ཀུ་ཤའི་ཁྲེས་ལ་ཉེ་བར་འདུག་སྟེ་ཨུཏྤ་ལའི་འཕྲེང་བ་ཉི་ཤུ་བྱས་ཏེ། འཕགས་པ་སྤྱན་རས་གཟིགས་དབང་ཕྱུག་གི་ཕྱག་གཡས་སུ་ཕུལ་ལ
293b7 ཇི་སྲིད་ཐམས་ཅད་མཐོང་བར་འགྱུར་བ་དེ་སྲིད་དུ་བཟླས་པར་བྱའོ། ། འཇིགས་པར་མི་བྱ་བར་སླར་ཡང་རིག་པ་བཟླས་པར་བྱའོ།། གཡོ་བར་གྱུར་པ་དང་དེ་དག་བླངས་པས་ཨུཏྤལ་སྔོན་པོའི་འདབ་མ་ལྟར་སྔོ་བསངས་ཀྱིས
iiif viewer powered by OpenSeadragon
