| e-texts navigator |
| Wylie |
291a1 ལ་གཏོར་མ་དང་། མེ་ཏོག་དམར་པོ་དང་། མར་གྱི་མར་མེ་དང་། ཤ་ཟ་རྣམས་ལ་གཏོར་མ་དང་། མེ་ཏོག་དམར་པོ་དང་། མར་གྱི་མར་མེ་དང་། ནམ་མཁའ་ལྡིང་རྣམས་དང་།
291a2 གནོད་སྦྱིན་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། སྲིན་པོ་དང་། ཡི་དགས་དང་། ཤ་ཟ་དང་། རོ་ལངས་དང་། སྲུལ་པོ་དང་། ལུས་སྲུལ་པོ་དང་། སྨྱོ་བྱེད་དང་། གནོན་པོ་དང་། མ་མོའི་ཚོགས
291a3 རྣམས་དང་། ལོག་འདྲེན་དང་བཅས་པ་རྣམས་ལ་ཤ་དང་། ཛམྦུ་ལི་ཀ་དང་། ས་ཏི་ཀ་ལ་སོགས་པ་རྣམས་སོ།། གནོད་སྦྱིན་རྣམས་ལ་ཤ་དང་། ཁྲག་དང་། སྡོང་བུ་དང་། འབྲས་བུ་དང་། མངར
291a4 གསུམ་མོ། ། ཀླུ་རྣམས་ལ་འབྲས་ཡོས་དང་། མུང་གའི་ལ་དུ་དང་། འབྲས་བུ་རྣམས་སོ།། རྣམ་པ་སྣ་ཚོགས་པའི་བཟའ་བར་བྱ་བ་དང་། སྒྲོན་མ་དང་། བདུག་པ་རྣམས་ཀྱང་སོ་སོ་སོ་སོར་རོ།། ལྷ་རྣམ
291a5 པར་ཤེས་པ་ཉིད་འཕེལ་བཞིན་དུ་མཆོད་པ་བདུན་བྱའོ། ། དེ་ནས་ཉི་མ་བདུན་པ་ལ་གྲོགས་གཞག་པར་བྱའོ།། ལེགས་པར་བསམ་པའི་ཆོས་ཅན། བྱས་པ་གཟོ་བ། རྟག་ཏུ་སྙིང་རྗེའི་བདག་ཉིད་ཅན
291a6 ནད་མེད་པ་དེ་ལྟ་བུ་གཞག་པར་བྱའོ། ། ཤེས་རབ་ཅན་གྱིས་དེ་ནས་ལས་ཡང་དག་པར་བརྩམས་ཏེ། ཀུ་ཤའི་ཁྲེས་ལ་མངོན་པར་བསྔགས་པ་ལ་ཉེ་བར་འདུག་ནས། དེ་ནས་པདྨའི་ཟེའུ་འབྲུ་ལ
291a7 ལག་པ་གཡས་པས་མནན་ནས་སྟོང་ཕྲག་བརྒྱད་སྦྱིན་སྲེག་བྱའོ། ། རས་རིས་རབ་ཏུ་འགུལ་བར་འགྱུར་རོ།། ཀླུ་རྣམས་ཀྱང་སྒྲ་སྒྲོགས་ཏེ་འཇིགས་པར་མི་བྱའོ།། སླར་ཡང་བརྒྱད་བརྒྱར་བཟླས་སོ།།
iiif viewer powered by OpenSeadragon
