| e-texts navigator |
| Wylie |
28b1 པ་བྱེད་པར་འདོད་ཅིང་སེམས་ཡོངས་སུ་དག་པ་མེད་ན་དེའི་ཚེ་ཐང་སྐུའི་སྒྲུབ་པ་བཤད་དེ། ། བསྙེན་གནས་དང་ལྡན་ཞིང་སྨྱུང་བར་གནས་པའི་ལྷ་བཟོས། ཚོན་སྣ་མ་འདྲེས་པར་རས་གསར་པ་དེའང་རང་རང་གི་ཀུན་ཏུ་ཁྲུ
28b2 རེའི་ཚད་ཀྱིས་བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་བྲི་བར་བྱ་སྟེ། སྣ་ཚོགས་ཀྱི་པདྨ་འདབ་མ་བརྒྱད་པ། ཟེའུ་འབྲུའི་དཀྱིལ་དུ་ཟླ་བའི་དཀྱིལ་འཁོར་གྱི་དབུས་སུ་བཅོམ་ལྡན་འདས་མདོག
28b3 དམར་བ། མི་བསྐྱོད་པའི་དབུ་རྒྱན་ཅན། ཞལ་གསུམ་པ། ཞལ་གྱི་གཙོ་བོ་ནི་དམར་བ་སྟེ་འདོད་ཆགས་ཆེན་པོ་ཉིད་ཀྱི་ཕྱིར་རོ།། གཡས་པ་གནག་པ་སྟེ་ཞེ་སྡང་ཆེན་པོ་ཉིད་ཀྱི་ཕྱིར་རོ།། གཡོན་པ་དཀར་བ་སྟེ་གཏི
28b4 མུག་ཆེན་པོ་ཉིད་ཀྱི་ཕྱིར་རོ། ། ཕྱག་དྲུག་པ་བྱའོ།། གཡོན་པའི་ཕྱག་གཅིག་གིས་གོས་དཀར་མོའི་མགྲིན་པ་ནས་འཁྱུད་པ་དང་། པདྨ་དམར་པོ་བསྣམས་པ་དང་། གཡོན་པ་གཉིས་ཀྱིས་མེ་ཏོག་གི་གཞུ
28b5 བསྣམས་པའོ། ། གཡས་པ་གསུམ་དུ་ཁབ་ཀྱི་ཕྱག་རྒྱས་པདྨ་ཁ་འབྱེད་པ་དང་། མེ་ཏོག་གི་མདའ་དང་། ལྕགས་ཀྱུ་བསྣམས་པའོ།། སེམས་དཔའི་སྐྱིལ་མོ་ཀྲུང་གིས་གནས་པར་བྱའོ།། ཤར་གྱི་འདབ
28b6 མ་ལ་རྣམ་པར་གཟིགས་མ་མདོག་དཀར་མོ་པདྨ་དམར་པོ་དང་རྡོ་རྗེ་ཕྱག་ན་བསྣམས་པའོ། ། ལྷོ་ཕྱོགས་ཀྱི་འདབ་མ་ལ་ལྷ་མོ་སྒྲོལ་མ་ལྗང་ཁུ་རྒྱ་སྐྱེགས་ཀྱི་ཤིང་གི་ལོ་མ་དང་རིན་པོ་ཆེ་ཕྱག་ན་བསྣམས་པའོ།།
28b7 ནུབ་ཕྱོགས་ཀྱི་འདབ་མ་ལ་བྷུ་རི་ནི་སེར་མོ་ཨུཏྤལ་སྔོན་པོ་དང་འཁོར་ལོ་བསྣམས་པའོ།། བྱང་ཕྱོགས་ཀྱི་འདབ་མ་ལ་ཁྲོ་གཉེར་ཅན་པདྨ་དཀར་སེར་ལྟ་བུ་པདྨ་སེར་པོ་དང་རལ་གྲི་ཕྱག་ན་བསྣམས་པའོ།།
iiif viewer powered by OpenSeadragon
