| e-texts navigator |
| Wylie |
288b1 ཞེས་བྱ་བའི་རིག་པ་འཛིན་པའི་རྒྱལ་པོ་དང་། མེ་ལྕེ་འབར་བའི་འོད་ཅེས་བྱ་བའི་རིག་པ་འཛིན་པའི་རྒྱལ་པོ་དང་། སྒྱུ་འཕྲུལ་ཀུན་ཏུ་སྟོན་པ་ཞེས་བྱ་བའི་རིག་པ་འཛིན་པའི་རྒྱལ་པོ་དང་། རྟག་ཏུ་རབ་འ
288b2 ཞེས་བྱ་བའི་རིག་པ་འཛིན་པའི་རྒྱལ་པོ་སྟེ། རིག་པ་འཛིན་པའི་རྒྱལ་པོ་བཅོ་བརྒྱད་པོ་འདི་རྣམས་རིག་པ་འཛིན་པ་སྟོང་ཕྲག་བཅུ་བཞི་ཡོངས་སུ་བསྐོར་བ། མཐུ་ཆེན་པོ་དང་ལྡན་པ། དེ་རྣམས་ཐམས
288b3 ཅད་ཀྱང་བུད་མེད་རྣམས་ཀྱིས་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ།། རིགས་ཀྱི་བུ་རིག་པ་འཛིན་པ་འདི་རྣམས་སྐྱེ་བ་བདུན་གྱི་ནང་དུ་རིག་པའི་རྗེས་སུ་འབྲང་བར་གྱུར་པ་སྟེ།
288b4 གང་དང་གང་དུ་སྐྱེས་པ་དེ་དང་དེ་ཉིད་དུ་རིག་པ་འདིའི་མཐུས་དྲན་པ་སོ་སོར་རྙེད་དོ།། རིགས་ཀྱི་བུ་དེ་ལྟ་བུའི་གནས་སུ་གནས་པས་རིག་པ་འགྲུབ་པར་འགྱུར་རོ།། དེ་ནས་ལྷ་དང་བྱང་ཆུབ་སེམས་དཔའི
288b5 འཁོར་དེ་རྣམས་ངོ་མཚར་ཐོབ་ནས། བཅོམ་ལྡན་འདས་ལ་རྣམ་པ་སྣ་ཚོགས་པའི་མེ་ཏོག་གིས་མངོན་པར་གཏོར་བར་གྱུར་ཏོ།། དེ་ནས་ལྷ་ཐམས་ཅད་དང་། བྱང་ཆུབ་སེམས་དཔའ་ལ་སོགས་པ་རབ་ཏུ་དགའ
288b6 བའི་ཡིད་ཀྱིས་རིག་པས་དགའ་བའི་དོན་དུ་ཆོ་ག་གསུངས་སོ། ། དེ་ནས་བྱང་ཆུབ་སེམས་དཔའ་དེས་རིག་སྔགས་གསུངས་པ། ཨོཾ་པདྨ་བཛྲི་ཧཱུཾ། སྙིང་པོའོ།། ག་ག་ན་བི་དཱ་རི་ཎི། ཉེ་བའི་སྙིང་པོའོ།། ཨོཾ་བྷ་ཡ་ནཱ་ས་ནི
288b7 ཕཊ། མགོ་བོའོ།། ཨོཾ་ཏྲ་པ་ནི་ཧཱུཾ། གཙུག་ཏོར་དུའོ།། ཨོཾ་ཏཿ་ཧཱུཾ། གོ་ཆའོ།། ཨོཾ་བེ་ཏ་ཊི་ཧཱུཾ། གུར་རོ།། ཨོཾ་ས་ཏེ་ཛ་ཊི་ནི་ཕཊ། ར་བའོ།། ཞེས་པ་འདི་དག་རིག་པའི་འཁོར་གྱི་ལྷག་མའོ།།
iiif viewer powered by OpenSeadragon
