| e-texts navigator |
| Wylie |
285a1 གཤེགས་པ་འོང་དཔག་མེད་ཀྱི་སངས་རྒྱས་ཀྱི་ཞིང་བྱས་པའི་གནས་སུ། རིགས་ཀྱི་བུ་རིག་པ་འདི་འགྲོ་བ་དང་འོང་བ་ཉིད་ཀྱང་། རིགས་ཀྱི་བུ་རིག་པའི་རྒྱལ་པོ་སྟོན་པར་བྱེད་དོ།། དེ་ནས
285a2 ཡང་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་བཅོམ་ལྡན་འདས་གང་ན་བ་དེར་ཉེ་བར་སོང་སྟེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ།
285a3 བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་ཕྱག་ན་རྡོ་རྗེ་ལ་དངོས་གྲུབ་ཀྱི་དོན་དུ་རིག་པ་སྦྱིན་པར་བགྱིའོ།། དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས
285a4 གཟིགས་དབང་ཕྱུག་གིས། བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་ལ་འདི་སྐད་ཅེས་སྨྲས་སོ།། ཕྱག་ན་རྡོ་རྗེ་བདག་གིས་ཀྱང་གོས་དཀར་མོའི་སྙིང་པོའི་རིག་པ་སྦྱིན་པར་བགྱིའོ།། དེ་ནས
285a5 བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་སྨྲས་སོ།། བྱང་ཆུབ་སེམས་དཔའ་སེམས
285a6 ཅན་རྣམས་ལ་གཅིག་ཏུ་སྙིང་བརྩེ་བ་ཤིན་ཏུ་སྙིང་བརྩེ་བ་ཅན། སེམས་ཅན་རྣམས་ལ་མི་འཇིགས་པ་རབ་ཏུ་སྩོལ་ཅིག། ཐུབ་པས་གསུངས་པའི་རིག་པ་སྟོན་ཅིག། དེ་ནས་ཡང་བྱང་ཆུབ་སེམས་དཔའ
285a7 སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ཅུང་ཟད་འཛུམ་པའི་བཞིན་གྱིས་འཇིག་པར་བྱེད་པའི་མེ་ལྔར་འབར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་པར་གྱུར་ཏོ། ། སངས་རྒྱས་ཀྱི
iiif viewer powered by OpenSeadragon
