| e-texts navigator |
| Wylie |
284b1 སེམས་དཔའ་སེམས་དཔའ་ཆེན་པོ་རིན་ཆེན་དཔལ་དེ་བཞིན་གཤེགས་པས་བྱིན་གྱིས་བརླབས་ཀྱིས་རིག་པ་མཆོག་ཏུ་གཟུང་བར་གྱུར་ཏོ། ། དེ་ནས་འཇིག་རྟེན་གྱི་ཁམས་དྲི་མ་མེད་པར་དེ་བཞིན་གཤེགས་པ་དགྲ
284b2 བཅོམ་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་དྲི་མ་མེད་པའི་འོད་ཅེས་བྱ་བ་དེའི་སངས་རྒྱས་ཀྱི་ཞིང་ན། བྱང་ཆུབ་སེམས་དཔའ་སེམས་དཔའ་ཆེན་པོ་རིན་ཆེན་འབྱུང་གནས་ཞེས་བྱ་བ་སོ།
284b3 སོར་འཁོད་དོ།། དེ་ནས་ཡང་བཅོམ་ལྡན་འདས་ཀྱིས། བྱང་ཆུབ་སེམས་དཔའ་སེམས་དཔའ་ཆེན་པོ་རིན་ཆེན་འབྱུང་གནས་ལ་བཀའ་སྩལ་པ། རིགས་ཀྱི་བུ་འདི་ནི་དེ་བཞིན་གཤེགས་པ་ཐམས་ཅད་ཀྱི་སྙིང་པོ།
284b4 སེམས་ཅན་རྣམས་ཀྱི་དོན་དང་། ཕན་པ་དང་། བདེ་བའི་ཆེད་དང་། ལྷ་དང་མི་རྣམས་ཀྱང་རྗེས་སུ་གཟུང་བའི་ཆེད་དང་། སེམས་ཅན་ཐམས་ཅད་ཀྱི་ཆེད་དུ་སེམས་ཅན་ཐམས་ཅད་ལ་བཤད་པར་བྱའི། མཆོག་ཏུ་ཟུང
284b5 ཞིག། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རིན་ཆེན་འབྱུང་གནས་ཀྱིས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་རིག་པ་མཆོག་ཏུ་བཟུང་བར་གྱུར་ཏོ།། རིགས་ཀྱི་བུ
284b6 གང་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རིན་ཆེན་འབྱུང་གནས་ཞེས་བྱ་བ་དེ་གཞན་མ་ཡིན་ཏེ། དེའི་ཚེ་དེའི་དུས་ན་སངས་རྒྱས་ཀྱི་ཞིང་དེར་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས
284b7 དབང་ཕྱུག་འདི་དེར་གྱུར་པའོ། ། གང་བྱང་ཆུབ་སེམས་དཔའ་སེམས་དཔའ་ཆེན་པོ་རིན་ཆེན་དཔལ་ཞེས་པ་འདི་དེ་བཞིན་གཤེགས་པ་རིན་ཆེན་རབ་སྣང་གི་སངས་རྒྱས་ཀྱི་ཞིང་དུ་ལྷ་མོ་གོས་དཀར་མོ་དང་། དེ་བཞིན
iiif viewer powered by OpenSeadragon
